理財個案｜持平安好醫生快手阿里等全部損手！求溝淡走貨建議

【理財個案】理財個案｜讀者的投資組合中，有平安好醫生、快手、吉利、阿里巴巴、國美等，但全部損手，想趁現在溝淡之後走貨，此做法是否可行、是否有更好建議？

理財個案（1）讀者來信：投資組合全部損手

龔成sir，我分別有平安好醫生，快手，吉利，阿里巴巴，國美，但全部損手

我想趁現在溝淡之後走貨，請問有冇什麼建議？

首先，你要先清楚乜嘢時候先值得加注。我哋決定加注與否，要睇幾個因素，記住，並不是「拉低平均買入價」為目的。

記住，重點不是「拉低平均價」，而是組合比例與配置。你現時持股，雖然係帳面上有虧損，但大部份都具長線投資價值。除了國美零售（0493.HK）較一般，建議減持部份，其餘都可以長線持有。

不過，山東墨龍（0568.HK）、快手（1024.HK）、平安好醫生（1833.HK）、阿里（9988.HK）都是屬於風險較高類別，持有係可以，但不應這類高風險佔組合大多數。

所以，長線我建議你組合加入一些平穏增長股。若想再保守啲，可以將部份高風險股票，換成平穏增長股，去平衡風險。

龔成老師您好！請教你，0285.HK 比亞廸電子公司穩建嗎？有潛力嗎？咩價位可入。幾咩價估出。麻煩俾意見。謝謝老師

比亞迪電子（0285.HK）這股正面的，佢是（1211.HK）的子公司，主要從事製造及銷售手機部件、模組及其他產品、提供手機設計及組裝服務，以及提供其他電子產品的部件及組裝服務。

過往發展正面，有技術，前景不差。長遠睇好佢的。佢在一些業務有一定的技術，加上近年不斷開發其他電子相關業務，長遠發展正面。

如果考慮佢近年的增長，現價合理區。若無貨，已經可以慢慢分注去儲貨，並長線持有，但未來股價相信依然會較波動。