理財個案｜40歲月入2萬與父母同住！曾買貴價股票唔捨得賣求教｜龔成教室

【理財個案】40歲讀者月入2萬，與父母同住！每月可儲幾千元，有投資月供基金、定期及債券及股票，曾在買入貴價股票但唔捨得賣，不知應否沽出求教意見！

更多內容：理財個案｜太太工作穩定月入4.5萬！48歲夫被炒轉做兼職想退休

理財個案｜讀者來信：曾買貴價股票唔捨得賣求教

龔Sir，你好！大半年前開始follow你既facebook，令我獲益良多，好後悔冇一早認識你。最近開始閱讀你既書籍，希望可以達到財務自由。本人40歲，與父母同住，月入$20K，每月儲蓄$7K（其中月供基金$2,300），手持$40K現金，定期及債券$90K，基金$300K。

現持股票（1-5）如下：

現持股票（6-10）如下：

現持股票（11-15）如下：

貴價買入股票 蝕賣又唔捨得

由於之前唔識投資，所以用好貴既價錢買入股票同埋有部分唔係優質股，但如果要蝕賣又唔捨得，可以請你俾D意見我嗎?另外，想用$2,500月供以下其中一隻股票，你覺得哪一隻比較合適？還是有更好的意見？

想用$2,500月供以下其中一隻股票：

• 0066.HK 港鐵公司
• 0823.HK 領展房產基金
• 0388.HK 香港交易所

希望你能花時間回答我既問題，期待你可以出更多好書，謝謝！

更多內容：港股分析｜比亞迪電子股價波動屬潛力股！無貨想投資要知一件事｜龔成教室

理財個案｜龔成老師分析︰先增值 後現金流 

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

40歲應以增值為主

你40歲，應以增值為主，建議你用「平穏增長股」 + 「潛力股」作組合，去創造一個增值平台。你持有的股票，都係有質素。不過整個組合，存在3個較大問題。先，我哋投資講求配置平衡性，個別企業和行業，盡量唔好超出組合比重的15%和30%。

免出現過度集中風險

銀行業風險更高，不要高於20%。你組合中，持有不少科技股（0700.HK，3067.HK，9988.HK，1810.HK）和銀行股（3988.HK，0005.HK，0939.HK，1398.HK）。現貨你保留都得（最好係先減持部份，換碼至其他行業），但長線要注意返，唔好比佢哋超標，以免出現過度集中風險。

你持有股票數量太多

第二，你持有股票數量太多，以100萬以下組合計，最好保持5-10隻水平，會令你較易定期檢視佢地的發展狀況。現貨你可以持有，但長線要主力集中翻係5-10隻之內，會較理想。

中國人壽、中交建 不建議再加注

第三，在質素方面，中國人壽（2628.HK）、中交建（1800.HK）質素較一般，不建議再加注。阿里（9988.HK）、騰訊（0700.HK）受政策風險影響，暫時不要持有太多。至於買入價，其實整體唔算太貴，大致都係合理區內。如果你無信心定平貴，未來資金就先用月供去進行投資。

3隻月供股票全部都平均月供

你所講的3隻月供股票，都係適合你年紀，建議你可以全部都平均咁月供。不過，港鐵（0066.HK）和領展（0823.HK）都係地產相關股份，建議加多一隻其他行業股票或者指數基金，去平衡下。

每月資金不要盡用

但現時大市只在合理區，每月資金不要盡用，要留有部份。到大跌市出現時，連同現有4萬現金去入平貨。而定期及債券，這類增長力不高的產品，我不太建議持有，否則會影響你財富增長力。基金（包括月供緊基金），你可以睇翻佢增長力，能否長線跑嬴大市，去決定是否保留。

更多理財個案文章：

更多內容：理財個案｜跌市令人擔心股災！南非股東沽騰訊、現貨應否減持｜龔成教室

更多內容：理財方法｜世上無一種投資方法絕對完美！騰訊為例解構最正路賺錢大法｜龔成教室

我下一本書，預計會係今年第4季出版。但你作為初學者，可以先睇咗《80後千萬富翁》、《財務自由行》和《股票勝經》，理解基本理財知識，才睇其他會更有效率。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。