【理財個案】讀者問個市會跌到幾時？他指跌市跌到令人情緒低落，且擔心股災出現！另外，南非股東沽騰訊、現貨應否減持？
理財個案（1）讀者來信：股市跌令人擔心股災
阿sir，唔知個市會跌到幾時呢？你有好的見解或資訊嗎？
呢期見到個市跌到令人情緒低落，嚟緊會唔會有股災架？有D擔心
理財個案（1）龔成老師分析：跌市造就入平貨機會
唔好比個市影響心情，要用平常心。因為股市總會有起有落，其實跌市反而造就我哋入平貨機會。重點是，你有無選擇優質股和定平貴能力。如果有，你就要好好把握跌市機會，按情況部署。
可以月供進行適度增值
若你無太多投資經驗，都可以用月供，進行適度增值。我哋會以恐慌程度，再配合平貴度，去分析投資策略，但唔好去"估走勢"，去作為入市策略。若你有貨，諗住個市跌，沽左先。無人知你沽左貨之後，會唔會一如你預期咁再跌，佢可能會反而大升，到時你就會進退失據。
投資應先了解企業質素和前景
我哋投資應該係先了解企業質素和前景，當確認係有優質，就再審視佢平貴，去定入市策略，這少是正確方法。你可以先睇我架《80後千萬富翁》、《財務自由行》和《股票勝經》，都適合初學者，去了解如何面對投資這回事。
更多理財個案：
相關文章：理財個案｜尚在讀書的兒子衝動下買入海底撈阿里等股票！股價跌很多應否止蝕｜龔成教室
相關文章：理財個案｜30歲有小朋友！有買港股美股打算月供股票部署退休｜龔成教室
理財個案（2）讀者來信：騰訊質素有變差嗎？
老師，南非股東沽騰訊股份，其實係咪代表 0700.HK 的質素變差？
其實點樣判斷公司基本面變差？9988.HK , 0700.HK 係咪都變差要減持？
理財個案（2）龔成老師分析：股東沽唔代表一定負面
唔一定，要睇翻股東沽貨目的，有時可能係佢本身有資金需求，或者係想重整自己資產組合之類，所以股東沽唔代表一定負面。騰訊（0700.HK）和阿里（9988.HK）受政策因素影響，中短期弱，企業的賺錢能力會略減，以及企業估值都會略減。
依然有長線投資價值
不過，相信政府唔係想佢經營唔到，只係想加大規管，令佢賺錢減少。此股依然有長線投資價值，但增長力唔會有以前咁強。現貨可以持有，但由於政策不確性都大，若你已有一定持資，暫時唔建議加注。
分析基本面和計算企業價值
至於如何分析基本面和計算企業價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
考慮企業財務數據
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
推算企業長遠的價值
例如，我哋會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。
更多理財個案：
相關文章：理財個案｜騰訊及京東都正坐艇！股價會短期返家鄉？如何部署？｜龔成教室
相關文章：理財個案｜大藍籌股低價買高價賣無風險？朋友短炒騰訊贏幾千蚊｜龔成教室
理財個案（3）讀者來信：30萬股國美應否放手？
龔Sir，你好，想問吓我持有30萬股（0493.HK）國美，平均買入價係 $0.8 ，現時已跌至 $0.3 嘅新低，我係咪應該放手，唔好再有任何寄望呢（見佢好多時有動作，上上落落）！
理財個案（3）龔成老師分析：
國美零售（0493.HK），從過往分析，只是一般。企業連續出現虧損，品牌價值遠不及從前，優勢不強。之前大股東黃生回歸，市場期望帶公司變強，但發展仍有未知數，如果以這刻的業務、發展、現價，整體的投資價值唔算高。
整體發展一般 建議反彈減持
暫時見，未能將公司翻生，整體發展一般。再面對網上競爭。以理性分析，長遠發展只是一般般。建議反彈減持。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
