理財個案】40歲讀者原本想提早55退休,但這2年投資組合被增長股拖累,表現很差。現在已不敢再加增長股,因為已經「蝕到很痛」。求指教!

理財個案|47歲月入22K毋須供樓準備退休!有150萬現金點揀股|龔成教室

理財個案(1)讀者來信:40歲投資組合蝕入肉

40歲,想提早55退休,但這2年組合表現很差。增長股,有(1211.HK),(2333.HK),(7226.HK),(1810.HK),(9988.HK)都表現一般。其他收息的(0778.HK),(0941.HK),(0823.HK),帳面大約蝕1成(1186.HK),(0762.HK),(6823.HK) 平穩,收息的叫做相對穩定。

現在不敢再加增長股

整個組表現被增長股拖到很差。現在不敢再加增長股了。因為已經蝕得很痛。以上股票都繼續持有中。

理財個案(1)龔成老師分析︰近2年出現虧損係正常

近2年,全球經濟受疫情和戰爭所影響,整體都係弱,所以出現虧損係正常。你要明白一個概念,我哋持有一隻股票與否,關鍵位是企業質素、前景,不要被買入價影響。因為我地買股票就是買企業。

比亞迪行業前景良好

買入價,你的賺蝕,只是一個心理因素,該企業長遠的發展,才是我地是否值得持有的重點。比亞迪(1211.HK)係潛力股,行業前景良好;長城汽車(2333.HK)業務算是不過不失,但都有長線投資價值。

恆生科指ETF較好

XL二南方恒科(7226.HK)不是增長股,產品的投資目標為追踪恒生科技指數每日表現兩倍(2x)的投資業績。我會較建議將來如果投資,選無槓杆的恆生科指ETF(3067.HK)較好。

小米有潛力宜長線

小米(1810.HK)有潛力的,佢的產品性價比高,有長線投資價值;阿里(9988.HK)是優質股票,但因政策風險,風險比之前增加。置富產業信託(0778.HK)有質素,這是不差的房託;中移動(0941.HK)不是無質素,但增長力不强,兩者都可以成爲收息的一員。

領展是優質股

領展(0823.HK)是優質股,但不是純收息股,有一定規模,盈利仍然有增長,加上派息穩定,算是平穩增值股。聯通(0762.HK)也是平穩增長型,本身不是無質素,但近年的賺錢能力有轉弱,相信中短期都未必會強,前景中等,發展力未必算是好強,小注可以。

香港電訊是不差的收息股

香港電訊(6823.HK)長遠有質素,是不差的收息股。中國鐵建(1186.HK)質素算是中等,不算好強,但都不差,負債太高是問題,作爲收息股可以。

持有的股票質素尚可 

你持有的股票質素尚可,可以繼續持有,但部分質素中等的就不適宜持有過多。以你40歲,財富仍有一定增長力,可以投資「平穏增長股」 + 「潛力股」,如果你想穏陣D,又不失增長力,可以集中平穩增值股。

現金佔比重大約3-5成

現時大市只係合理水平,現金佔比重大約3-5成。餘下資金,就等大跌市出現,才加大力度掃貨。不過,我相信你的風險承受能力較低,過1、2年股市上翻晒時,建議你投資多少少收息類低風險股。

理財個案|家庭主婦以為自己股神上身!大跌市輸埋仔女儲蓄點算|龔成教室

理財個案(2)讀者來信:用甚麼實質指標衡量市場恐慌程度?

呀sir,想請教一下你使用什麼實質指標/現象去衡量當時的市場恐慌程度?

理財個案(2)龔成老師分析:散戶無理由的恐慌

股票班有教的。我會配合好多嘢分析,例如散戶的恐慌,你見這幾天,有些散戶是無理由的恐慌,佢哋的恐慌來自股價跌跌跌,已經不分析因素。當大市出現情緒化下跌,而當中的因素其實並不是大負面,不過大市一聽就跌咗先,就是其中一個恐慌的指標。

理財個案(3)讀者來信:騰訊跌幅勁需先止蝕?

請問這些股票你說都是有質素的,但現跌幅勁,是大環境所致,可以繼續持有嗎?有那些你認為可以再低收入?或先離場?另外,騰訊(0700.HK)買入價貴,現時跌幅勁,有需要先止蝕部分嗎?另外,有沒有那些是十分穩定的收息股,股息唔錯的?十分感謝你

理財個案(3)龔成老師分析:質素未明顯變差 可以守

你的股票,都係有質素,暫時未見佢哋質素有明顯變差,可以守。阿里(9988.HK) 現時受政策風險影響,令佢不確定性高咗。雖然長線投資價值,係依然存在,但就暫時要保守D,小注持有好了。

是否持有 一定係睇質素

你唔好因為買貴咗,就去沽一隻股票。我哋是否持有,一定係睇質素。因為你沽咗,諗住再跌先入翻。但如果佢不再回調,開始倒升,你就會進退失據。騰訊(0700.HK)如果你持貨唔係過多,建議你持有較好。

5%、6%的股息率的收息股

以下是一些有質素收息股,你可以睇下。但以你年紀,我唔建議持有太多,長線會拖低你增值能力。

目標是5%、6%的股息率的收息股,例如港燈(2638.HK)、深高速(0548.HK)、香港電訊(6823.HK)、工行(1398.HK)、恆生(0011.HK)、置富(0778.HK)、陽光(0435.HK)。收息基金(3110.HK),都可以。

超過8%的高息股

另外,有些更有超過8%的高息股,但股價就略有風險,你可以小注考慮,例如佐丹奴國際(0709.HK)、中石化(0386.HK)、互太紡織(1382.HK)、富豪產業(1881.HK)等(記住,股價略波動,不能太過大注)。

理財個案|有千萬資產想移民!用水桶模式投資賺股息過活可行嗎|龔成教室

理財個案(4)讀者來信:49歲手上100% 匯豐

龔sir,我今年49歲,兩年前手上100%匯豐(可想而知蝕到扒喺度),其餘全部係現金。開始接觸你嘅文章後知道平衝組合嘅重要,以及持有現金等如長期被偷錢,所以呢兩年不斷購入其他股票去砌一個組合,希望龔sir俾D意見我點去改善呢個組合,謝謝!

1. 匯豐佔嘅比例太多,會繼續透過購入其他股票降低其比例,並希望加息週期及經營環境改善後,去到$60-70左右賣出2/3,轉去其他收息股。

想盡快5年內養大水桶1

2. 以我嘅年紀,潛力股佔太多,不過希望高少少風險追返之前失去嘅時間(所以多數高位入貨),同時希望借今次跌浪,盡快喺5年內養大水桶1,然後轉去收息股。

3. 今年年初買咗樓自住(希望做到股樓平衡),暫時月供cut到只係港鐵,盈富,港交所同小米各$1000,遲D settle down後月供可以去到$12,000左右,有乜提意?

先多謝龔sir意見!

理財個案(4)龔成老師分析︰銀行業不要高於組合20%

1) 這個策略可以,記住個別企業和行業,不要佔組合15%和30%以上,銀行業更加不要高於組合20%,否則會有過度集中性風險。(盈富由於係一籃子組合,故不受此限。)在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。

潛力股大約應佔2成

2) 你現時潛力股比重,又唔係話過份地高。一般我建議你這個年紀,大約係佔2成。但如果你覺得,自己可以承受更高風險,去爭取高少少回報,比重大D係可以。這要你明白,背後係有風險存在,咁就無問題。

「平穩增值股」+「收息股」

3) 策略上可以,未來你有更多資金時,可以將佢地集中供以下「平穩增值股」+「收息股」。現時大市未到好平,每月記得留少少錢,等大跌市機會。若你想進取些,可集中「平穩增值股」,相反你想保守少少,可以集中在「收息股」上。

但比重要隨著年齡增加調整,你要慢慢上調收息股比例。到退休時,你收息股比例,應提升至100%。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。