【理財個案】家庭主婦無收入,本想靠投資賺錢,但高價買多隻股票後遇大跌市,現在連仔女的儲蓄都輸掉,想知應該點做?
理財個案|有千萬資產想移民!用水桶模式投資賺股息過活可行嗎|龔成教室
理財個案(1)讀者來信:家庭主婦以為自己股神上身
你好成哥,今日大跌市嘅心情真係好難受,我發覺我自己真係以為自己股神上身!而家係家庭主婦!冇收入嘅我本來諗住投資!點知而家連啲仔女儲落嘅錢都輸埋,現在真係好唔開心,你可唔可以話俾我知,我而家應該點做。
手上股票:
股票 | 買入價 | 數量 |
美團 | 247元 | 2,200股 |
快手 | 303元 | 2手 |
騰訊 | 707元 | 1手 |
阿里巴巴 | 255元 | 500股 |
另有匯豐銀行、恒生銀行,我個組合是不是太集中一樣嘢呢?我而家應該點做好呢?
理財個案(1)龔成老師分析︰「短炒」賺錢好難
好多人以爲「短炒」可以賺錢,其實我可以講好難。睇返你持有股票,好多都係之前市場熱炒的科技股,而你買入價都係最熱最高時候架價位。好明顯,你投資決定完全受市場氣氛影響,咁係好危險。
買入價賺蝕 只是一個心理因素
首先,你要明白一個概念,我哋持有一隻股票與否,關鍵位是企業質素、前景,不要被買入價影響。因為我地買股票就是買企業。買入價,你的賺蝕,只是一個心理因素,該企業長遠的發展,才是我地是否值得持有的重點。
美團不確定性較大
你現時持有股票,都係有長線投資價值,可以守。但由於你買入價太高,你預要較長時間,才有機會回到買入水平。另外,美團(3690.HK)本身的不確定性較大,不適宜持有過多,而你有2200股,明顯係過量。建議你沽出部份,換至其他股票。
銀行業比其他行業風險為高
匯豐銀行(0005.HK)和恒生銀行(0011.HK)有質素,但要小心銀行業比其他行業風險為高,因此不要佔組合>20%,如果有集中問題,同樣要將部分換碼。
投資的錢都應該是餘錢
投資其實應該是「先想風險,後想回報」的,不要以爲只要將錢投資股票市場就一定能夠賺錢,所以,投資的錢都應該是餘錢,如果覺得「仔女儲落嘅錢」好重要就唔好投入股票市場,減低心理壓力。
潛力股具風險 未必適合持有太多
因爲你沒有收入,潛力股這類有風險的投資產品未必適合持有太多,現時可以先調整組合。之後,先離開一下股票市場,多看理財書,建立一個正確理財的觀念,才再出手。
建議你可以睇我寫的《80後千萬富翁》、《財務自由行》和《股票勝經》,都適合初學者。
理財個案|31歲夫婦搵得多使得多!還按揭負擔大如何財務自由|龔成教室
理財個案(2)讀者來信:點睇科技股一直向下
龔sir,好想聽你分析下(3067.HK), 由上年年頭一每月存$2,000左右,但因為科技股一直向下,老師有甚麼建議?應否繼續存?
理財個案(2)龔成老師分析︰大部份股票下跌
近2年環球股市都受疫情影響,近期更出現加息、債務、戰爭等問題,故並非科技股跌,而係大部份股票,而1、2年都係弱。但我哋投資唔係考慮短線,而係用長線去分析,去睇佢有無投資價值。
安碩恒生科技可長線
安碩恒生科技(3067.HK),有長線投資價值。這基金追蹤恆生科技指數之表現,而恆生科技指數,都是一些有質素的潛力股,例如阿里(9988.HK)、騰訊(0700.HK)、小米(1810.HK)、美團(3690.HK)等的新經濟類公司,長遠有潛力。
預中短期一定會好波動
建議你現貨照持有,但預中短期一定會好波動,但長線投資價值不變。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。