【理財個案】47歲讀者月入22K，毋須供樓！現時持有150萬股票，尚有150萬現金可入市，但由於準備退休，選股方面都比較保守想知點揀好？
理財個案｜家庭主婦以為自己股神上身！大跌市輸埋仔女儲蓄點算｜龔成教室
理財個案（1）讀者來信：47歲月入22K準備退休
你好，一直有留意你嘅投資概念，跟我想法十分相近，有幾個問題向你請教一下：
本人現年47歲，月入$22,000，沒有物業須要供款，現時持有（2800.HK）, （0016.HK）, （0823.HK）, （3988.HK）, （1299.HK）, （0857.HK） 合共市值150萬左右。
有150萬現金點揀股？
現剩餘150資金打算繼續入市，請問我應該加大以上股票投資，還是有其他較進取股票可以選擇呢？因為要為退休打算，所以選股方面都比較保守。
理財個案（1）龔成老師分析︰中石油質素中等
新地（0016.HK），領展（0823.HK）友邦（1299.HK）盈富都是優質的股票，但中石油（0857.HK）始終是商品企業，產品沒有差異性，質素中等，不建議持有過多；中行（3988.HK）因爲存有壞賬風險的問題，同樣不能過多。
地產類不要持有過多
另外，新地（0016.HK）和領展（0823.HK）都屬於地產類，要小心不要持有過多。同一行業，不要超過組合3成。以你的年齡，為退休做準備是正確的，但同時，財富仍有增長力（但不是進取），因此，你可以投資「平穩增值股」+「收息股」。
暫時用$70萬分注投資
現時的$150萬，暫時動用$70萬，大市處於初步平宜區，你要分注投資。同時留下一定現金，等大跌市出現，用來買平貨，作長線投資。
月供「平穩增值股」+「收息股」
你可以月供「平穩增值股」+「收息股」，但就隨著年齡增加，慢慢增加收息股的比例。到退休時，你收息股比例，應提升至100%。
5%、6%的收息股的組合
同時，可以建立一個收息股的組合，目標是5%、6%的股息率的收息股，例如港燈（2638.HK）、深高速（0548.HK）、香港電訊（6823.HK）、工行（1398.HK）、恆生（0011.HK）、置富（0778.HK）、陽光（0435.HK）。收息基金（3110.HK），都可以。
超過8%的高息
另外，有些更有超過8%的高息股，但股價就略有風險，你可以小注考慮，例如佐丹奴國際（0709.HK）、中石化（0386.HK）、互太紡織（1382.HK）、富豪產業（1881.HK）等（記住，股價略波動，不能太過大注）。
理財個案｜25歲月入21.5K要養全家！買入9隻股票跌得甘、細價股應否斬倉｜龔成教室
理財個案（2）讀者來信：23歲 現金流有10萬
龔sir，你好。我今年23歲，現金流有10萬，目前持有2隻股票 2628.HK，0762.HK。
| 股票 | 買入價 | 數量 |
| 2628.HK | 13.6 | 20,000股 |
| 0762.HK | 4.3 | 8,000股 |
兩隻股票下跌 是否應繼續持有？
但目前2隻都下跌緊，想知是否應繼續持有？另外，我對 1157.HK，2600.HK，2018.HK，3993.HK，0358.HK，1186.HK 有點興趣，龔sir可唔可以比小小意見，咩價位買入比較好？
（平時返工時間唔可以經常睇住啲股票，是否對投資方面影響較大）
理財個案（2）龔成老師分析︰長線投資 唔會短炒
我哋投資一定係長線，你見全世界最成功的投資人巴菲特，都只會做長線投資，唔會短炒。所以，我哋唔會好似坊間散戶咁，經常要睇住個股價上落。反而係投資前，我哋要做較多準備功夫，去分析一間企業質素和平貴度，以制定入市策略。
持股屬於中等質素
當買入後，只要佢長線質素無明顯轉壞，我地長線持有，讓其自然增值就可以。你所持有的股票，質素上係有，但佢哋都係屬於中等質素，不宜持有太多。如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
潛力股風險較高
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
