理財個案】龔sir,想請教你,如果有大約資金$200萬,想每月有2萬被動收入,應該如何分配?想用$100萬3988中國銀行收息,你認為安全嗎?另外100萬,想分50萬買入美國國債,大約5厘,另外50萬定存/貨幣基金,然後再每月定投1.5 萬Voo/qqq你認為以上操行風險大嗎?

持美股港股蝕約60萬

因為我現時係股票上蝕了大約60萬,不想再承受太大風險。港股(7200.HK)之前均價7.2,不知是否可以回本?我美股港股好多股票都跌了70%,當時沒止蝕,現在部份更幾乎全輸了。希望未來投資以穩定現金流及安全為首要,不能再損失本金了,求老師指教。

龔成老師分析︰大概需要本金約$400萬

如果每月要$2萬被動收入,一年便是$24萬,假設投資在6%的收息股上,大概需要的本金約$400萬。所以,你現時要做,就是先以累積資產到400萬,作為一個目標。FL二南方恒指(7200.HK)產品之投資目標為追踪恒生指數每日表現兩倍(2x)的投資業績。

長遠認為恆生指數平穩增長

雖然我長遠認為,恆生指數平穩增長,但中短期可以較波動,由於這基金有槓杆,就會令價格更加波動,其實有風險。特別係你本身投資知識不高,用這類槓桿ETF,就更加之危險。我建議你用無槓杆的盈富(2800.HK)會較好。

(VOO)和(QQQ)是投資美股的入門工具,你可以月供,只要長線投資就可以。

唔係股票出問題 而係你技巧出問題

中行(3988.HK)係有投資價值,但只係收息股。連同你講美國國債+定期,增長力都係一樣唔明顯,唔建議集中係佢哋身上。而且,我都唔建議個股佔一半比重咁多,任何優質的股票都不建議超過組合的15%。我明白你因為過去虧損重大,所以相保守D。但其實主要原因,唔係D股票出問題,而係你技巧出問題。

先整理好現有持貨

近年大環境都弱,特別係況股,虧損都係較難避免。不過,睇翻你整體表現,除左跌,仲要係大幅跑輸比大市,代表你投資技巧出左核心性架問題。你要好好檢視一下,你自己架問題,是否在高位買入? 又或者企業本身的質素就有問題。其實,我建議你現時需要做的不是急於投資,而是先整理好現有持貨,找出輸錢架原因,之後先再諗點去開始新投資增值計劃。

唔好買風險較高的股

另外,如你投資好擔心損失。這反映你本身風險承受程度較低,你就要在配套股票比例上,唔好太多,同時唔好買風險較高的股,可以買收息股。另外,你要多讀投資相關書本、年報,新聞和報讀相關課程。

更多理財方法及股票投資入門內容

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。