理財個案｜新手投資幾年輸10幾萬！阿里巴巴勁多貨心痛又難過

【理財個案】成哥你好呀！新手投資了幾年股票輸咗10幾萬好心痛好難過，阿里巴巴手持很多手都係咁低位。我想轉第二個股票有冇咩好提議？多謝你麻煩晒，打擾你了。

近來恆指升，阿里巴巴都係弱，可以提議我轉其它股票嗎？快手？美團？之前買過（3067.HK）都係高位入，依家得反8蚊。

理財個案｜龔成老師分析︰阿里重組失敗回勇要時間

阿里（9988.HK）雖然跌左好多，但不少係因為政策大變，同埋近年經濟大環境所致，而佢本身唔係無投資價值。不過，佢重組失敗咗，相信回勇要時間。最重要控制好比例。

係業務層面，擁有優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。始終之前面對內地監管收緊，因此風險度增加左，不過，相信最差的時期已過，同時見到中國政策開始講話重視平台經濟，相信正慢慢好轉。

其實，就算之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但存有不確定因素的股票。如果你持貨唔多，可以守住先，再觀察。相反，你有較多貨的話，建議減持少少，去平衡風險。

至於換碼去邊，就要睇你年紀同埋組合配置狀況。假設你係年青至中年，可以考慮以下股票。但留意，個別行業唔好高於組合3成。同埋，整體潛力股唔好高於組合4成。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800.HK）。

美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388.HK）、港鐵（0066.HK）、港交所（0388.HK）、長建（1038.HK）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834.HK）、港股則可考慮安碩恒生科技（3067.HK）、中國電車基金（2845.HK）。

另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700.HK）、比亞迪（1211.HK）、小米（1810.HK）等，你可以了解下，並從中選股，但佢地波動性和風險會較高，要自己平衡。

快手(1024.HK)和美團(3690.HK)都可以考慮，但佢地不確定性都係一樣高，所以唔可以太大注。至於3067.HK，$8唔算好高位，當經濟向好，佢會慢慢上翻。