理財個案｜過往投資賺得少蝕錢多！趁新年求教股票組合大重組

【理財個案】老師你好，我過往的投資都是蝕錢多，賺錢的股價好多時係賺得果少少，但蝕就蝕得勁，見到d股價跌又唔捨得放，而家成手都係蝕錢股，以下組合要你幫手睇下，真係唔知點處理，大多數都係蝕錢的。

股票組合：2160、3623、6993、1591、1789、1951、1351、1432、1475、0788、0815、1024、0189、0286、0757
個案重點：手上持有不少虧損股票
重點目標：處理現時的股票組合

龔成老師分析：

你過往投資大多數虧損，主要是由於你有錯誤的投資觀念，所以要先同你處理一些核心觀念，否則你日後也只會輸錢多。首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，當然，我們要分析當前的平貴水平，以配合投資策略。
如果企業無質素，但你現時蝕錢中，繼續持有只會令你財富繼續貶值，因此要賣出。
如果企業質素轉差，就有可能要減持，因為這股佔你組合的比例，未必值得太多。

優質股應該長線持有

你表示「賺錢的股價好多時係賺得果少少」「見到d股價跌又唔捨得放」，這是好多散戶都出現的情況，記住，你不能只以「股價賺蝕」去決定去留，優質股應該長線持有，但你賺少少就賣，令到你手上完全無優質股。相反，你見到股價跌就唔會賣，如果該企業是劣質企業，長遠只會令你虧損更多。到最後，你手上無優質股卻留下一堆劣質股，你當然會輸多贏少。

建議你首先賣出部分股份

你持有的股票中，中國金融發展（3623.HK）、汛和集團（1519.HK）、陽光能源（0757.HK）質素不好，建議你首先賣出。輝煌明天（1351.HK）、中國聖牧（1432.HK）、中國白銀集團（0815.HK）質素一般般，都要考慮賣出，或起碼減持。

康醫療（1789.HK）、錦欣生殖（1951.HK）、心通醫療（2160.HK）、東岳集團（0189.HK）、快手（1024.HK）、愛帝宮（0286.HK）都有質素，但股價上落大，風險高，這類股票不是不可以投資，但必需控制注碼，不能大注。

藍月亮集團、中國鐵塔增長力減少

藍月亮集團（6993.HK）增長力減少咗，中國鐵塔（0788.HK）都有這情況，這兩股本身都有質素，但都有增長力減少的情況，因此都不建議持有太多。日清食品（1475.HK）可持有，有質素。

我建議你按部就班，先調整好現有組合，再用分注或月供模式去儲優質股，相信會較好。如果你風險承受能力不高，就投資一些平穩增長股。

建議建立一個收息股組合

另外，我比較擔心你本身的投資知識，以及有較多投資概念，所以比起爭取回報，你應該先投資一些，風險較低的股票，建立一個較優質的投資組合先，之後先慢慢增加風險度。你可以建立一個收息股的組合，例如港燈（2638.HK）、深高速（0548.HK）、香港電訊（6823.HK）、工行（1398.HK）、恆生（0011.HK）、置富（0778.HK）、陽光（0435.HK）、高息基金（3110.HK）都可以。

長遠可以考慮加入美股

另外方面，長遠可以考慮加入美股，以平衡投資組合，例如Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

理財個案｜過往投資賺得少蝕錢多！趁新年求教股票組合大重組｜龔成教室