【理財個案】讀者租私樓多年，今期抽到居屋，揀樓次序都排尾，有機會在最後2000個單位揀。怕只能揀細單位感覺屈就，但私樓又唔夠錢買，應否買咗居屋先？
理財個案｜抽中居屋揀樓排尾 買唔買好？
龔老師你好，心裡忐忑不安，忍唔住都想問吓你，想聽下你諗法。租私樓多年。今期抽到居屋，揀樓次序都排尾，有機會在最後二仟個單位揀。我心想一直都想買私樓，但優質一點的仍未夠能力，而且怕份工不穩定，隨時無得做！
但如用慬餘資金買間細居屋，買咗之後，感覺好似屈就咁去住。可能現實歸現實，抽有居屋是應該買左先，否則年老都無屋住！唉！你覺得點睇呢？好想聽下你意見。謝謝
龔成老師分析︰無一個話100%完美方案
其實好多嘢最重要是講求一個平衡，無一個話100%完美方案。人工作大半世，當然希望自己的生活以及經濟條件能夠得到改善，但人生有好多事情需要兼顧。因此，平衡分配最重要。私人樓在投資的角度而言，比起居屋來講會較爲有價值；但大部分的居屋響自住的角度來講，其實不差，而且購買成本都相對市價平宜，令你有更多資金空出來做其他投資計劃。
買樓自住最重要是要符合2個原則
我經常講，要買樓自住，最重要是要符合2個原則，「供得起」+「物業滿足未來10-20年的住屋需求」。如果你覺得自己現時未有能力買私樓便不要勉强，否則，銀行如果供樓出問題，你可能會得不償失。每個人都想要「住好啲」、「住大啲」，但一定要平衡自己的能力。
建議你長遠還是要置業的
如果你未來有自住需求的話，建議你長遠還是要置業的。否則，將來退休的時候，租金的支出會成爲你的一個負擔。坦白講，如果單以「住」的角度，居屋其實幾實用，可取的，同時買左居屋又不代表日後不能進步跳上買私樓，所以，其實可考慮下居屋的。
有時目標可以分成一個個階梯，你可以先選擇「買細屋」，等你有能力之後，再「買DREAM HOUSE」，這樣既爲你將來退休的居住做了的保障，同時你都可以敦促自己爲未來更好的生活做準備。這裡無話邊個方案係最好，你可以睇翻自己住屋迫切性、長線生活規劃、投資規劃和價值觀，去作出最終決定。
更多香港樓市最新走勢及買樓攻略
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
