網民熱話｜最可悲嘅莫過於等候多年終於排到公屋，點知隔離屋住咗個有問題嘅街坊。有網民在公屋討論區發文，表示隔離屋伯伯衞生惡劣，自己亦投訴過好多次，但投訴無果。網民：東張西望最有用。
港女發文控訴
樓主在Facebook公屋討論區發文表示，隔離屋伯伯衞生惡劣，指伯伯會「坐喺走廊中間洗面洗衫，然後到啲污水倒落地下」，又會噪音污染。曾經多次向樓下保安投訴，但投訴無果。樓主更加整合列出5個伯伯的惡劣行為：
- 在公屋走廊洗面、洗衫、漱口、抹身
- 將污水直接倒落地下（走廊長期濕滑，鄰居有行動不便的老人家）
- 凌晨經常坐在走廊中間，阻礙他人出入
- 擅自把防火門打開，漠視其他居民生命（任何人閂咗對門佢都會開返）
- 經常在凌晨/早上噪音污染
打1823？
政府的「1823政府一線通」服務接受多種查詢方式，旨在讓市民以方便、可靠和有效率的方法取得各項資訊。市民可透過電話、郵遞、傳真或電郵方式作出查詢或投訴。不少網民都建議樓主打1823，直至有相關部門跟進：
「每天都打1823直至有部門跟進為止」
- 「直接1823， 再唔係去信房署，話管理處失職。」
- 「1823同政府投訴啦」
- 「唔係有政府投訴專線咩，打過去啦」
- 「投訴話有蚊蟲、蝨患，唔到佢唔理」
網民清一色：報東張西望
除咗1823，最多網民建議的莫過於東張西望。認為只有事件出現在公眾面前，相關部門才會開始跟進：
「報東張，一上大眾視線，房署才會局住做嘢」
- 「報東張西」
- 「報東張西望先有用，房署先會做野」
- 「東張西望同埋一線守查幫到你」
家人哋唔想咁張揚
面對網民建議報東張西望，樓主則表示應該不會考慮，「因為要考慮返家人感受，佢哋唔想咁張揚」，亦指報東張西望後，事件的處理時間會變相拖長好多。續指自己已去房屋處投訴，處方表示伯伯並非初犯者，曾受不少人投訴，稱「房屋處有派過社工跟進，同埋扣過佢分都係無補於事」，再有噪音污染才可能會打1823或報警處理。
報警有用？
報警是東張西望外最多人建議的做法：
「報多幾次警就知驚，呢啲人最驚著制服」
- 「真係遇到呢啲精神有問題嘅街坊，唯一就係報警，通知房署」
- 「報警啦，啲阿伯最驚」
- 「叫警察上門」
有社工跟進
亦有網民分析伯伯為何有如此古怪的行為：
「呢個阿伯應該有老人癡呆症了。應該搵社工出來幫手，正常人唔會有呢啲古怪行為。」
- 「老人都係咁，加上一個人又悶。」
- 「會唔會係有病？正常老人家會咁㗎咩」
- 「通常都係老人癡呆，知唔知有無社工跟？」
- 「應該係自己一個人住得耐，又冇咩細藝先會咁，有冇社工follow呢個case？」
樓主對此亦有回應，指伯伯有社工跟進，「但係明顯冇用」。
更多精選留言
- 「必須書面投訴先會有人認真處理架。先email管理處，冇action就email房署。」
- 「先同保安講，再同主任講，然後書面投訴，都解決唔到的話你應該遇到同層/同座/同邨VIP，只可以話你唔好彩。一係佢調遷（通常唔會，你覺得煩佢唔覺）、一係你調遷、一係你努力賺錢買居屋/私樓。」
- 「報東張你都可以報，但佢會收歛定變本加厲真係無人知。多數後者，比佢知邊個投訴你仲煩」
