網民熱話｜如果而家你老細同你講淨係返4日工，然後你份糧打8折，你又制唔制呢？有網民在香港討論區發文稱公司通知下月開始減薪加假，但不少打工仔認為是好事。
4日工作人工打八折
不少人追求work-life balance，希望有空閑的時間做私人事或休息。有打工仔在香港討論區發文，表示自己在電子零件物流倉工作逾5年，但公司自開關以來，生意未有好轉，早前更宣布改行4天工作周，人工八折發放，直言「現在心態是騎牛搵馬」。
事件在討論區亦引起不少關注，2個原因獲得網民讚好：
1. 有多一日時間做自己嘢
不少網民認為5天工作其實是缺少了自己的私人時間，4天工作的話可以有多一日假期，出去炒散亦未嘗不可：
「雖然少咗人工, 但又多咗自己時間, 未必係壞事」
- 「唔使返工既日子，可以去返 part time囉，炒散都好缺人」
- 「梗係返4日好啦, 可以有3日出去炒散, 幫補吓啲零用錢」
- 「4天班, 8折出糧.... 我樂於接受。多1-2日-可以做自己私事。」
- 「梗係4天工作啦，另外3日等錢洗就返兼職」
- 「現在潮流興「Work Life Balance」，人工少咗賺多些私人時間！仲可以降低工資，否則無競爭力。」
更有人直接用一個字表示這種工作模式：
「爽」
2. 有工返，已經好好
有人賺認為今時今日有工返就已經好好：
「都好過冇吖, 叫你返足5日工, 出糧8折, 咪仲衰」
- 「仲有工返算好…」
- 「我年尾比人炒」
- 「想搵 4日工，好難。」
- 「真係要一齊度過艱難日子，都好過炒人執粒」
- 「為生存，都要忍」
- 「今時今日的經濟環境,我也很接受」
留低VS走人
也有人建議樓主考慮清楚：
- 「如果你有信心可以搵到工，閃囉；如果無信心，留囉」
-
「咁睇落間公司都好似冇乜前途喎」
- 「表面睇公平，實際要員工先知。我會接受，等好轉或遣散」
關心樓主：你夠唔夠使？
當然，有部分網民擔心樓主8折人工後，生活會否拮据。畢竟香港地百物騰貴，人工減少後有可能會應付不來：
- 「八折出糧夠唔夠使呀？」
- 「但佢減你人工得八折人工，你自己夠唔夠先。」
４天工作會成主流？
也有網民認為這種工作模式將來會有更多公司效仿：
「我覺得４天工作將來有機會流行起來」
