網民熱話｜不少人即使居住在公屋，都會照養寵物。早前有港女在網上發文求助，表示自己帶同愛犬到男友的公屋居住，但遭到房屋署洗樓抽查，由於公屋禁止養狗，愛犬被要求送走。網民：「但間屋都冇你個名。」
與男友同住公屋 狗狗被房署要求送走
女事主在網上發文後被搬運到Facebook「公屋討論區」討論。女事主稱愛犬已經養了7年，之前一直都是租屋住，但「因為真係負擔唔起租金，每個月都還緊錢」 ，甚至要到下年9月才還清債務，所以先搬往男朋友公屋暫住。怎料突然遭到房屋署洗樓式抽查，由於公屋禁止養狗，事主的狗狗被發現後遭房屋署要求送走。事主指自己「瞓唔安，食唔落」，十分擔心愛犬去向，更網上求問可否申請狗陪伴。
不停想辦法
事主表示自己這兩星期已不停想辦法，只希望愛犬能留在自己身邊。「狗酒店租金比唔起，朋友屋企擺唔到咁耐，呢兩個星期我已經不停搵辦法。」更指自己準備與男友「簽紙加名，申請狗陪伴」。
網民留言：但間屋都冇你個名
針對事件，有網民一語道破事情的關鍵問題：
「重點係你無戶籍，係非法居住，仲講咩申請陪伴犬」
- 「本身自己都無名住落男朋友到，狗陪伴陪邊個？陪男朋友？針咭/狗牌又唔係佢名」
養嘅第一日就要諗
當然有不少網民先入為主地認為連租都交唔起，還如何養狗：
「自己都無能力，仲養狗？不自量力的後果，自己負責。」
- 「其實養嘅第一日就要諗，唔係到俾人周到斷正先嚟諗。」
- 「無錢交租有錢養狗，明知自己經濟唔穩定，好心就唔好養，而家累咗隻狗」
- 「呢啲叫自己攞嚟衰」
最無辜係隻狗
亦有網民戥狗狗可憐：
- 「最無辜係隻狗。好無奈又可憐」
- 「我都好鍾意狗。但明知唔養得既何必仲要養呢？」
- 「係隻狗可憐」
7年前可能好好環境？
但仍有不少人為該女事主發聲，指世事難料，更將狗狗比喻為孩子，勸喻網民要有同理心：
「見到好多人講事主無錢唔好養狗⋯⋯7年前養，可能事主當年環境好好的，人的福禍好難講，幾年間發生好多不如意事令到佢負債都講唔定……」
- 「而家你哋睇清楚人哋情況未啊，有邊個會預視到自己將來會無錢啊」
- 「如果係人呢，生咗個小朋友，然後有絕症，你無錢醫，你會唔會叫佢無錢養就唔好生，邊個會估到有咁嘅事發生，大家畀番啲同理心，他朝君體也相同」
- 「啲人個個留言話送畀人、搵人領養，你會唔會養唔掂個仔就話送畀人養啊，同理心都無學咩人批評」
公屋禁止養狗
- 房委會資助房屋小組委員會於2003年9月25日，決定維持不准在公屋養狗的限制，惟容許租戶飼養不會危害健康及造成滋擾的細小家庭寵物 。其他野生/入口動物和馴養農畜一律嚴禁在公屋飼養。
- 「家庭小寵物」包括時下寵物市場供應的小寵物，而且一般養在籠、展示箱、水族箱或其他特製容器內，例如貓、雀鳥 (鴿子除外)、倉鼠、龍貓、葵鼠、兔子、烏龜、水生動物等。如欲養貓的租戶，必須安排貓兒預先接受絕育手術。
- 房屋署會採取「可暫准原則」，處理在扣分制實施前已在公屋飼養的狗隻。根據有關原則，在2003年8月1日前已在公屋飼養的小型狗隻 (即體重少於20公斤的狗隻)，租戶必須事先獲得一次過批准，才可繼續飼養狗隻。獲批准的租戶須嚴格遵守署方訂定的守則，租戶如兩次違反飼養狗隻的守則，有關批准便會被撤銷。
- 由2003年11月1日開始，租戶未經業主書面同意，在租住單位飼養狗隻或被禁止的動物，將會按扣分制被扣分。
