網民熱話｜公屋樓梯會唔會有地磚？有網民在Facebook「公屋討論區」發文抱怨自己住緊的公屋走廊及樓梯沒有鋪地磚，全是紅毛泥爛地，形容是「難民級別的公屋環境」。事件引起熱議，有網民批評：「依家好多人都唔知足」。
冇鋪地磚覺得環境惡劣
有網民在Facebook「公屋討論區」發文抱怨指自己居住的公屋走廊及樓梯沒有鋪地磚，牆身亦沒有色彩艷麗的牆磚，認為自己住的公屋環境惡劣。
想調遷？
該網民抱怨別人住的公屋環境很可觀，但自己居住的環境卻強差人意。形容「公屋環境會惡劣」，並曾經要求調遷去房委會的屋邨，揚言「我希望去石硤尾邨」，但遭到房協拒絕。更發文求教網民：「大家有冇辦法幫助我？希望快啲脫離呢個人間煉獄！」表示現在置身的公屋猶如地獄。
建議交番間屋出嚟
帖文一出便吸引不少網民紛紛留言，均表示樓主身在福中不知福：
「唔好住啦 讓個位比我 我唔介意冇地磚 我介意冇得住咋」
- 「對公屋環境嫌三嫌四者，一律建議交番間屋出嚟」
網民：依家好多人都唔知足
更有不少人認為該網民不知足，即使是私樓的走廊及樓梯亦沒有地磚：
「依家好多人都唔知足」
「樓梯要有地磚？私樓好多都冇啦～係咪食大咗呀！？」
- 「過千萬私樓都係冇地磚㗎！」
- 「其實好多唐樓 舊式單幢私樓都係咁 唔係你地住公屋既先環境差」
- 「干干淨淨仲想點？知足下啦！」
- 「舊式公屋未見過出而鋪磚，唔影響居住，又唔跣，有咩問題？」
- 「照佢咁講法香港有好多難民喎，全邨都係難民」
豪宅都做唔到
亦有網民在帖文下留言諷刺：
- 「公屋班人要地鐵站上蓋，由單位到地鐵站，超市，商場，巴士站全程有蓋，豪宅都做唔到，香港公屋住戶真係尊貴過私樓住戶」
「要唔要埋白金升降機」
不解對居住環境有何影響
有網民不解走廊樓梯沒有地磚，對他的居住環境有何影響，紛紛笑稱樓主是不是睡在走廊：
- 「佢梗係鍾意訓樓梯同走廊，如果唔係我諗唔到同佢有乜關係」
- 「瞓走廊咩？」
- 「佢訓走廊既？」
3個特色公屋
（1）沙田乙明邨
乙明邨的地理位置背山面向城門河，部分高層單位望到河景。座數與座數之間空間較為寬闊。最大特點是乙明邨內設有游泳池，泳池的入口就建在其中一座樓宇下，十分方便。屋邨內亦有羽毛球場、滾軸溜冰場、兒童遊樂場等設施。
（2）沙田水泉澳邨
水泉澳邨位於沙田區城河東水泉澳，2015年入伙，樓宇總數18座，提供11,100伙，單位面積約151至398平方呎。水泉澳邨以非標準型設計，依山而建，享自然風景，屋苑設有約78米大型行人天橋連接水泉坳街，更獲得2018年卓越結構大獎（香港基建和橋樑項目）。不同樓宇以梯級形式向上興建，水泉澳邨設有綠化休憩空間、露天劇場、靜思花園、觀景台等設施，可以望到沙田景觀之餘，環境較寧靜。
（3）大坑勵德邨
大坑勵德邨為房協出租屋邨，坐落港島豪宅地段。於1975年落成，共設8座樓宇，其中1至4座外型採取了全港首個圓筒形設計，而5至8座沿用傳統長方體設計，單位面積266至599平方呎。高層單位大部份雙數室號單位可以望到維港景色，備受公屋用戶追捧。
