【網民熱話】住落唔啱想換樓？日前有網民在Facebook「公屋討論區」發文抱怨，指自己獲派粉嶺皇后山邨的4人公屋單位，但住落發現有兩個原因令他後悔應承公屋。網民鬧：「真係當自己皇后」？
後悔搬入皇后山邨
日前有網民在Facebook「公屋討論區」發文抱怨，指自己獲派粉嶺皇后山邨的4人公屋單位，但住落發現有兩個原因令他後悔，希望「有單位可以對調就好啦」，更表示自己「乜嘢都冇考慮過，就自己簽咗」，令網民鬧爆。
2個後悔的原因
樓主指，單位已經裝修好，但由於皇后山邨位置對小朋友上學極不方便，又沒有家人住在附近。表示想交出單位重新編配，知道屯門區現時正在興建新公屋，希望可以對調單位。
- 位置對小朋友上學極不方便
- 沒有家人住附近
網民鬧爆
帖文一出就引起不少迴響，網民紛紛留言表達自己的意見。不少網民認為是樓主的問題，沒有考慮清楚就簽約。
「每個人都要為自己決定負責 你自己唔識 一味隨波逐流 你不單止會後悔 而且更會迷失自己」
更多精選留言：
- 「諗下好啦 自己唔諗清楚就簽，交返個單位出嚟，重新再排過八九年啦」
- 「交番間屋出嚟再申請過公屋啦」
- 「個個都攞左先話交通唔方便，係咪痴線嫁？你睇樓已經知間屋既位置嫁喎，睇到個到有d乜配套嫁啦」
有網民反諷：當自己皇后
「可能佢誤會左住皇后山既就係皇后自己話事」
更多精選留言：
- 「當年我買貝沙灣之後都一直後悔，交通非常不便，淨係得個海景，搞到個人好抑鬱」
- 「返去住劏房囉」
- 「瞓街最方便呀～」
都唔係你話調就調
有網民就對調單位作出回應：
- 「講到好似想調就有得比你調咁」
- 「就算未裝修啊，都唔係你話調就調啦。」
解決方法？
當然亦有網民留言解決方法給樓主，大部分表示幫小朋友轉校就能解決一半問題。
- 「轉校吧 我天水圍派柴灣 也一樣轉校 別給藉口自己了」
- 「你出去租樓都要簽生死約啦，而家仲要超低價租樓，轉校點都平過出去租樓啦」
- 「去番附近既學校考插班～」
全港最差公屋
有市民曾選過出全港最差公屋排行榜，除皇后山邨外，以下屋邨均榜上有名。上名原因大多為交通不便，附近沒有足夠配套設施等等。
- 觀塘安達邨
- 屯門友愛村
- 荃灣梨木樹邨
- 象山邨
- 東涌逸東邨
