【網民熱話】投訴都冇用？有網民表示自己受隔離屋新裝修影響，投訴過但對方不肯處理，事主更表示「社會還有公義嗎？」即睇詳情！
受隔離屋影響
近日，一名網民在Facebook「家居裝修分享谷」抱怨隔離屋新裝修，裝了一部超長的窗口冷氣機，機尾貼住事主屋企的窗，抹窗都抹唔到，窗有維修的部分也做不到。
仲有就係如果佢一開冷氣，又嘈又熱又震都係我呢邊受影響。
溝通都冇用
該事主指，參考同屋苑其他相同規格的住戶，沒有人會將冷氣機貼近其他住户的窗，最少都會隔開大約20cm，留出空間供人做清潔及維修。
事主嘗試透過管業處與對方溝通，但對方不肯作出處理或改善，並認為自己沒有觸犯法例。事後事主再與管業處交涉，但管業處表示無能為力。
事主：「真係嬲到訓唔著」
事主受事件困擾，稱「真係嬲到訓唔著」，並指責對方自私無賴，侵犯別人權利的人可以安居樂業，但苦主卻投訴無門，痛批「這社會還有公義嗎？」。
事件引起不少網民的關注及迴響：「咩設計嚟㗎？一開冷氣啲熱氣就吹晒過嚟。」
生活質數都影響埋真係住得舒服咩
不少網民都同情事主的遭遇，有網民稱：「唔明點解做鄰居都唔互相配合下，樓上樓下隔離左右真係要住到面阻阻，住得舒服d架咩….同埋要影響都可以做到互相影響，到時生活質數都影響埋真係住得自己舒服咩！
有網民教事主：「你係佢後面散熱裝塊板檔住。」
亦有人指出：「大家斗玩，管理處又話理唔到，依d先好玩，邊個善良邊個輸」。
可以試報環境保護署？
當然，有更多處理方法，其中有網民教路，可以試報環境保護署。
我之前村屋買入裝修時發現樓下個分體散熱裝到我窗口左下角，我伸手就摸到，都係報環境保護署，投訴佢裝到我窗口咁近，熱氣同佢開冷氣時好嘈，跟住個部門同樓下溝通！初樓下條友都係話邊度影響到我屋企，後來個女仔勁好！同我地交代返，因為佢都黎樓下外面睇過！同樓下個人講佢睇到係影響到我樓上，已叫樓下搬返離開d我窗口。
查建築圖則
另有網民提議：「你可以去查下建築圖則，睇下佢係咪改過個冷氣窗口位，正常係吾可以改位，改位要去屋宇處申請既，再黎度清楚到底佢部機離開外牆幾多cm，有例規管離牆長度架，吾係你想點裝就點裝，但如果以上兩點都合乎標準，甘就真係冇乜正途方法可以解決。」
當然，向政府部門反映，是解決問題的方法。有網民稱：「呢個係正式冷氣位？樓上樓下都係咁裝？如果唔係的話，打去政府部門問吓，建築物條例唔可以亂裝冷氣，睇吓有乜法律途徑處理。」
「如果你唔怕煩，可以用民事訴訟方式控告對方嚴重影響你生活。」
報東張西望
「如果真係構成影響，可以報警，如果都唔理就可以上法庭，必須有實質影響證明，就算影響瞓唔着都可以（需要醫生證明），詳情可向律師資詢。仲有個免費方法，就係 東張西望！」
最多網民教路，就是報東張西望！
同佢講”東張‘’見
