【理財個案】醫院打工仔月薪三萬多，正月供盈富基金同埋幾隻潛力股，最新發現自己渴望生活獨立，想盡快置業買樓！請問需唔需要加大月供或者等候分注入市？
理財個案（1）讀者來信：醫院打工仔月入3萬元正月供盈富、港交所…
龔成先生你好，我之前有聽取你嘅意見，月供盈富基金同埋幾隻潛力股。最近發現自己渴望生活獨立，想盡快置業買樓。我嘅目標係五年六年內買樓置業， 但又唔想供樓供得太辛苦。我有買你嗰本五年買樓四步曲，但未有時間睇。我係一個返醫院嘅打工仔月薪有三萬多，每年跳point，升二千蚊，頂點有四萬三千。 我同事話做呢份工退休做到退休，點都會有三四百萬蚊。所以我平時都冇咩記帳嘅習慣，只係覺得應使則使。
每月月供情況
而家我後備現金有10萬蚊，投資戶口有21萬蚊股票同埋18萬現金。
以下係我嘅每月月供情況：
- 388 港交所 2000
- 1810小米 4000
- 2800 盈富 7000
- 1177 中生 2000 （這個股票已經暫停月供，因為見佢跌得犀利有啲驚）
現有股票組合
以下係我買入嘅股票，其股數及平均買入價：
- 0388 港交所 34股 317蚊
- 1177 中生 5422股 4蚊
- 1810 小米 3800股 11蚊
- 2800 盈富 5163 股 21蚊
- 4252 政府綠債 400股 100蚊
想盡快置業買樓需唔需要加大月供？
- 我想問我未來月供嘅方向係高風險定係穩定投資？
- 同埋我想問我需唔需要加大月供或者等候分注入市？
- 可唔可以俾貼士我咩價位買邊隻股票？因為我仲未set到識得set價格入市
謝謝你，麻煩晒。
理財個案（1）龔成老師分析：30歲應以增值為主
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你30歲，應以增值為主，建議你用「平穏增長股」 + 「潛力股」作組合，去創造一個增值平台。
你現時月供和持股部份無問題，主要係iBond，佢係用來收息，對你而言太過保守，可以考慮換成其他優質股。
建議提高潛力股的比例
由於你尚有5，6年才置業，時間都唔短，你可以用翻一般適合你年紀架投資策略（即係偏向進取，盡力累積財富架模式）。
你現時組合，潛力股較少（1810, 1177）﹐建議提高潛力股的比例，去提升組合增長力。
中生(1177)雖然回調不少，但長線依然有投資價值，唔建議停供。但佢風險度比以往高左，可以調低金額，以免佔比重過高。
具長線投資價值潛力股參考
以下潛力股，都具長線投資價值，你可以考慮。
例如安碩恒生科技(3067)、阿里（9988）、騰訊（0700）、舜宇光學（2382）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。
如果不懂選股，可以集中指數型基金，如3067, 2384, QQQ。
企業估值是最困難的一環
潛力股有一定波動性，同時需要時間成長，你要有一定的耐性等待收成。
潛力股和平穩增值股的比例建議大概維持3：7；如果你經驗較多，可以提高到5成。
同時要持有一定現金，等待大跌市的時候掃貨。
企業的估值方面，是投資中較爲困難的一個部分，好難在這裏用三言兩語就講完，在我的課堂都要用幾小時講解。
未有估值能力時可先用月供累積資產
而我對學生的期望是自己能夠做分析，能夠自行發掘潛力股，同時可以自行分析平貴度去入貨。所以，我建議你未有估值能力時，先用月供去累積資產。
同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
理財個案（2）讀者來信：保險公司倒閉機會大嗎？
龔Sir，近來幾間銀行都相繼爆煲，請問保險公司會否都一樣？由於自己歷年買左多份有儲蓄成份的保險，都要等到65歲左右先攞得返，恐怕保險公司會倒閉，曾經有過這些案例嗎？保險公司倒閉機會又大嗎？謝謝解答！
理財個案（2）龔成老師分析：保險在理財中屬於「防守」的角色
美國矽谷銀行爆煲，對投資市場短期會有少少伸延的風險，但未算嚴重，同時見政府已能控制到骨牌效應，相信短期會令市場出現一些擔心情緒，令短期投資市場波動。
但我地分析時，不要直線思維，因為市場是複雜的。不一定一個問題就會導致另外一個問題。
保險在理財中屬於「防守」的角色，市場對保險公司都有監管的制度，相信出問題機會唔大。現時，無證據顯示保險公司有倒閉的危險，但短期投資市場，有可能較波動，投資時要主意風險。
理財個案（3）讀者來信：人到中年如何增加資產？
你好老師，我係一名中年人，有一份固定收入，但早前胡亂入市導致捐手及負債，近年有收看你的影片及信息，了解多咗投資及資產配置。現在一方面還錢，另一方面分期供少量港交所提升資產，請問現在我還可以做甚麼？
理財個案（3）龔成老師分析：投資知識、技巧和經驗都好重要
你能意識到投資上的錯誤，並及時修正，這是一種很大的進步。
現時你要做就係處理好負債，另一邊提升正確投資知識。因為長線要財富增值做得好，投資知識、技巧和經驗都好重要。
你現時一邊還錢，一邊月供優質股(0388)是可取的做法，在你掌握投資技巧前，都可以用月供模式儲貨，平衡價格波動風險。
可以慢慢加入更多平穏增長股去月供
同時，資金許可情況下，你可以慢慢加入更多平穏增長股去月供。
除了利用月供方法，去進行財富增值外。同時去加強自己投資知識，提升選股分析和估值能力。長遠目標係可以自己因應市況平貴，自行制定入市策略，才可以將財富增值能力，推升至一個更高的層次。
我建議你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
理財個案（4）讀者來信：29歲想學習股票知識
你好嗎？我今年29歲，我想第一次學習投資股票，可以給我將來讀書用的費用。
理財個案（4）龔成老師分析：回報率，投資時間和金額
理財創富其實由三方面組合：回報率，投資時間和金額。
由於你這筆錢有特定的用途，因此不建議你投資太高風險的股票。(若是長線財富增值，以你年紀可以進取少少，但留讀書部份就只宜參考以下較保守做法。)
持貨至少5年會較好
同時你投資的年期都影響你的投資工具。
由於企業的成長需要時間，持貨至少5年會較好。
3年以下，可以投資平穏增長，收息股和定期。
你是投資初學者，宜用月供的形式累積資產較好，以減少價格波動所帶來的風險。策略上，每月大約用儲蓄的一半投資，其餘的可以等大跌市時使用。
同時間要去努力增進投資知識
除了透過以上月供方法，去累積資產外。同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
理財個案（5）讀者來信：外幣如何運用好？
老師，如果有約200萬港幣的美元（28萬），但未決定如何投資方向，是否放在定期會好一點？需要轉返港幣穩陣啲？或外幣？定仍然保持美元高息啲？
理財個案（5）龔成老師分析：先增值、後現金流
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的工具，令財富較快增值，當增值到一定金額後，可開始將財富分配至平穩增值型工具，然後到年紀漸長或已累積了相當財富後，才漸漸轉成收息工具。
不能只買外幣
因此，你應該先確定你的投資方向，想增值，保本？你的年齡，風險承受能力怎樣？
如果你較保守，可以考慮收息股、債券、銀行及保險公司的低風險產品、定期等。外幣可是其中一部分，但都不能只買外幣，同時外幣都有風險的。
更多理財個案、投資入門相關內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
