【理財個案】80後讀者月入約2萬元,月供股票11年多,但近年整體股票下跌,變為負資產,賺息卻蝕價。有置業的想法,如何短時間滾存多500萬元買樓?
理財個案(1)讀者來信:月供股票11年賺息卻蝕價
你好龔成先生,月供股票11年多,成本HK$87萬幾,已賺股息約HK$22萬,分別做了定期和ibond,看過很多本你出的書,發現我的股票profolio原來沒有爆炸力,這幾年疫情,或是個別公司問題,令整體股票下跌,變為負資產,賺息卻蝕價。
本人80後,月入2萬,冇加人工,但工作穩定,進入四字頭似乎難以轉更高人工的工,故主力股票和做定期以增值資產,把收入其中約HK$5千蚊做月供股票,另外每月可儲現金約HK$1萬,定期約HK$30萬,ibond約HK$10萬,希望keep住這批股票之餘,所儲的現金可望於未來兩三年在海外置業,置業預算HK$400-500萬。
年紀唔細、時間有限
年紀唔細,時間有限,又打算最後機會生兒育女,又要考量為退休作準備,與丈夫財政獨立。要保持收入就要有份工,本身有去考專業試,但一直未成功,要勁花時間同精神上堂讀書操paper。
有諗過辭工full time攻專業試,但不敢,冇收入期間要食老本又草唔到錢,亦不是一年半載就可以順利完成,故放在一旁,現在只有死草爛草,唔花大錢,刀仔鋸大樹,仲未做到充裕現金流收入,開始有點著急,人生可以如何規劃更好?
短時間如何滾存多五百萬置業?
以現有的資產,可以怎樣調整月供股票及儲蓄策略,分配平穩增長股+潛力股+收息股等,以短時間滾存多五百萬以上資產?需要多少時間?另外,你星期六會開班嗎?
現有股票並保持每月月供HK$500
- 00002 (1,941 @HK$68.199)
00005 (2,665 @HK$67.782)
00388 (104 @HK$289.094)
00700 (34 @HK$391.788)
00788 (21,313 @HK$1.078) - 00823 (620 @HK$58.585)
01177 (6,120 @HK$5.993)
01211 (459 @HK$69.969)
01928 (1,415 @HK$27.689)
02800 (5,819 @HK$23.187)
現有股票(沒有月供)
- 00012 (1,000 @HK$30.863)
00941 (2,000 @HK$50.184)
01038 (2,000 @HK$38.445)
01830 (3,000 @HK$2.89)
03690 (3 @HK$0)
請指教,感謝。
理財個案(1)龔成老師分析:建議用「平穏增長股」和「潛力股」作組合
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時80後年紀去計,你整體組合偏保守。一般情況,我會建議用「平穏增長股」和「潛力股」作組合。
千奇唔好係因為見人有又想有
但我建議你要考慮翻以下一些因素,再作決定︰
如果你未來2,3年就置業,而又需要到用股票套現幫補,建議你集中係「平穏增長股」和「收息股」就算,以免波動太大。
專業資格方面,其實你要睇翻對自己事業成長有多大幫助,千奇唔好係因為見人有,你又想有。而是否全職去考試,我就不太建議。除非個資格好重要,而且好需要短期內拿到手。
定期和iBond主要收息
定期和iBond主要收息,增長力欠奉,建議投入優質股。但比重可以因應你風險承受力決定,畢竟佢地增長力弱,但風險都細,你要自己平衡。
月供部份,我見你「每月可儲現金約HK$1萬」,所以月供建議增加至$8000,餘下$7000就儲起等大跌市機會,咁會平衡D。
月供和持股都有質素
現時月供和持股都有質素,可以維持。未來時間,可以因應你自己想法和需要,再去配置股票。
- 若你長線增值,可用 「平穏增長股」和「潛力股」作組合。
- 若是為儲3年後置業資金,可用「平穏增長股」和「收息股」作組合。
先計算資產制定長線財務目標
我當你現時組合值80萬,再加上定期和ibond 40萬,全投入 「平穏增長股」和「潛力股」增值。另外,每月都月供$15000去計。
我假設投資回報有10%(連股息再投資),5年後大約會增值至300萬。你可以以此作參考,去制定長線財務目標。
理財個案(2)讀者來信:買股票要溝上唔溝落?
主持人,想問專家話買股票要溝上唔溝落,咁樣要升幾多%再溝,例如100買入,要幾多再買,謝謝!
理財個案(2)龔成老師分析:「總投資金額」不能過多
最重要是睇平貴,不是溝上唔溝落,如果優質股長遠質素不變,只是短期跌,就可加注,相反,如果該股已經貴,升上去應該減不是加。
因此,你最重要睇質素及平貴度,如果未能掌握,就以慢慢分注的模式投資,同時與第一次買入價隔10%才加。
同時,一定要留意「總投資金額」不能過多。
理財個案(3)讀者來信:不炒股都輸錢
撫心自問唔係炒股票,買窩輪牛熊證,又唔係高追股票,我是從最高位回落一半,每跌10%增持潛力股、優質股,但市值都唔見咗20%。
理財個案(3)龔成老師分析:近幾年係好難玩
如果你有一定投資年資,其實都會發現近幾年,係好難玩,特別是港股,貿易戰、社會事件、疫情、戰事,每一個都是不利因素,在過往幾十年,會久不久出現一個這些不利因素,但從來未試過一次過不斷出現。
因為不單係有不明朗因素,而且係同時有好幾個,當中部份是致命性的。
盡力平衡風險和保持冷靜耐性
雖然前幾年主要問題,例如疫情、內房等都有緩解(係緩解,唔係已解決),但好多後遺症開始出現,令經濟開始弱。
再加上,戰爭、地緣政治等風險,其實預未來1,2年都係困難,特別係價值投資者,會發現表現一直強差人意,這個是事實。
但記住我地係睇長線,唔係未來1,2年,所以再理性客觀面對現時發生架事。好好審視組合股票,盡力平衡風險和保持冷靜耐性,咁就可以。
理財個案(4)讀者來信:金沙及小米短期發展較一般?
老師,想問金沙及小米,短期好似較一般?
理財個案(4)龔成老師分析:中短期波動唔係重點
記住,我地投資係睇長線,中短期波動唔係重點。最重要係佢長線核心質素,如果無明顯變差,我地就應該照長線持有。
小米(1810)近年發展智能車,投入了較多資金,風險高左,如果成功,股價可以倍升,但如果失敗,股價會進一步弱。不過,佢未非完全無技術,所以不一定完全負面,但發展仍要時間,以及風險高左。
先賣手機、再延伸銷售小米家電
佢近年的生意較一般,競爭大左,佢回勇的路仍長,增長力也比過往略減。
現時業務上,佢建立的平台是佢長遠的增長動力,先賣手機,再利用手機的平台延伸銷售小米家電。長遠不是無發展,佢的產品性價比高,相信在全球好多個國家都會有市場。
這股可長線,合理區底,分注可以,但唔好入得太急,預佢股價仍波動。但佢增長力的確比過往減左,以及風險度高左,因此,值得投資的金額略比過往減少左。
金沙投資價值仍在
金沙(1928)有質素,可以長線持有,本身擁有一定的資產及品牌,加上以賭彩加娛樂模式進行,企業有一定的價值,雖然澳門最高速發展年代已過,但相信仍長遠仍有平穩增長的能力。
雖然疫情略有反覆,但全球疫情最壞的情況,相信已過,中國相信會慢慢放鬆防疫政策,因此,業務情況慢慢向好,但全面回勇始終需要時間。
金沙投資價值仍在,不過就不是高增長股,等全球疫情過去及經濟旅遊等正常,相信有平穩增長的能力,同時有一定的派息。長線持有,可以。
理財個案(5)讀者來信:點睇小米份最新業績?
Sir 你好想問下你點睇小米份最新業績?
收入、經營利潤都係雙位數下跌,2022年全年嘅經營利潤仲要大跌 89%。
基本上冇護城河,之前最叻嘅就係出貨量勁,因為賣得平。
但係而家整體手機市場都係疲弱,已經對佢好大衝擊。最糟糕的是,即使是高端手機也開始被更實惠的版本所取代,對其銷售構成了重大威脅。競爭對手很容易搶占你的市場份額,而小米卻毫無反擊的手段,因為產品缺乏競爭優勢。
理財個案(5)龔成老師分析:回勇要時間
業績一般,不算好差,但又不算強,回勇要時間,要耐心點。
其實小米(1810)近年發展智能車,投入了較多資金,風險高左,如果成功,股價可以倍升,但如果失敗,股價會進一步弱。不過,佢未非完全無技術,所以不一定完全負面,但發展仍要時間,以及風險高左。
不致於完全無投資價值和值博率
佢近年的生意較一般,競爭大左,佢回勇的路仍長,增長力也比過往略減。
佢增長力的確比過往減左,以及風險度高左。
不過,又不致於完全無投資價值和值博率,純粹係值得投資的金額略比過往減少左。
更多理財個案、投資入門相關內容
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。