理財個案】讀者月入64K,本身有年供住院、危疾保險、年金,去年幫朋友買了一份5年期儲蓄保險,已供兩年,現因供得吃力想「壯士斷臂」斷供,求指教提點。

理財個案(1)讀者來信:供儲蓄保險感吃力想壯士斷臂

阿sir,我舊年幫朋友買咗呢份5年儲蓄,當時仲未開始follow 你fb,已經供咗兩年,而家發覺呢份所謂儲蓄好有問題,我應唔應該壯士斷臂斷供呢?留番啲資金買優資股。情況係我仲有大約十年就到退休,我覺得而家供得吃力之餘,又幫唔到資產增值…謝謝指教提點

月入64K付25K家用

阿sir, 不如我再講多少少個背景:

  • 本人月入:約$64000
  • 每月給屋企:$25000
  • 年供住院:$9000
  • 年供危疾:$30000
  • 年金$60000(已供3年,總共供10年,當初供係因為貪佢可以免稅,而家覺得後悔,因為增長不高)
  • 每年交稅~$60000
  • 同以上年供$50000(人民幣儲蓄共5年期, 已供2年)

搵錢好辛苦 求教理財部署

阿sir 可唔可以明燈指點下我,有冇邊啲要壯士斷臂?因為我發覺自己買咗好多垃圾,搵錢好辛苦,唔想再浪費自己辛苦工作搵番嚟嘅錢,同餘下約十年有收入的時間。感激萬分

理財個案(1)龔成老師分析︰年金是可以考慮

其實保險,主要作用是保障部份,我一般唔建議用佢來增值。不過,你尚有10年左右就退休,年金是可以考慮,作為將來提供被動收入的一員。而且有免稅額效果,其實都可以保留。再加上你已供2年,供款佔你收入又唔算好多,我偏向建議你供埋個3年,但就唔好再加任何新的儲蓄型保險。

可集中「平穩增值股」+「收息股」

未來時間,你新資金可以集中在「平穩增值股」+「收息股」。策略上,你每月5成儲蓄做月供。其餘先儲起,用一邊月供一邊儲蓄的策略。

退休時收息股比例應提升至100%

若你想進取些,可集中「平穩增值股」,相反你想保守少少,可以集中在「收息股」上。但比重要隨著年齡增加調整,你要慢慢上調收息股比例。到退休時,你收息股比例,應提升至100%。

建立一個收息股組合

在收息股部分,你可以建立一個收息股的組合,目標是5%、6%的股息率的收息股,例如港燈(2638.HK)、深高速(0548.HK)、香港電訊(6823.HK)、工行(1398.HK)、恒生(0011.HK)、置富(0778.HK)、陽光(0435.HK)。收息基金(3110.HK),都可以。

8%的高息股股價略有風險 可以小注考慮

另外,有些更有超過8%的高息股,但股價就略有風險,你可以小注考慮,例如佐丹奴國際(0709.HK)、中石化(0386.HK)、互太紡織(1382.HK)、富豪產業(1881.HK)等(記住,股價略波動,不能太過大注)。

至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

更多理財個案及理財分法內容

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。