【理財個案】理財個案｜讀者自認投資不善，9蚊高價買入雅居樂，其後股價大跌加上近年無派息，但又無膽止蝕，不知如何是好，求指教。
理財個案（1）讀者來信：9蚊高價買入雅居樂＋無派息
龔sir你好，本人由於投資不善，雅居樂高價$9買入，過去依年都冇乜起色，仲有試過跌破兩蚊，再講近依一兩年都沒有派息，真是不知如何是好⋯⋯
投資不善 無膽止蝕
我一共買咗 72000股，知道大半年前有試過去返4.5，但又沒有膽量止蝕，想請教你認為升到幾多錢先適合止蝕呢？止蝕又係咪賣晒定賣一半呢？睇新聞話內房股好似準備發債融資，雅居樂前景又會係點呢？
父母誤信他人買股票
另外，屋企父母2021年誤信他人以0.66 買恒益控股（1894.HK），點知一共停牌停咗已經超過18個月，想問吓若然復牌是否應該即刻掉晒佢定話睇定啲先？有啲咩可以做？
所有退休儲備
因為真係第一次遇到咁嘅情形，屋企人依兩年都好唔開心，因為呢啲係佢哋嘅所有退休嘅錢。希望你能夠指教，萬分感激。
理財個案（1）龔成老師分析：止蝕動作唔會用股價做決定
首先要糾正你一個概念，我哋持有一隻股票與否，關鍵位是企業質素、前景，不要被買入價影響。因為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。所以，我哋個止蝕動作，係唔會用股價水平去做決定，而是集中分析長線質素有無變壞。
應集中分析長線質素有無變壞
- 如果企業有質素，但股價短期下跌，就不用擔心，照持有就可以。
- 如果企業無質素，但你現時蝕錢中，繼續持有只會令你財富繼續貶值，因此要賣出。
- 如果企業質素轉差，就有可能要減持，因為這股佔你組合的比例，未必值得太多。
雅居樂高負 有一定風
雅居樂（3383.HK）質素中等，但高負債，故有一定風險。這股不是無投資價值，但負債高始終是風險，唔建議太大注。現價合理，已反映風險。
建議你減少部份
但如果投資，要有心理準備是上落大，一定要小心控制注碼，長線行業會否會再轉差，暫時好難確定。所以，如果佢佔你組合較大比重，建議你減少部份，換至其他行業去平衡風險。
恒益控股投資價值一般
恒益控股（1894.HK）專門就建造項目設計、製造、供應及安裝鋼鐵及金屬產品，亦按照客戶的要求及規格向彼等銷售鋼鐵及金屬產品，如鋼閘、摺閘、防火閘、趟閘、捲閘及鋼門。集團規模唔大，盈利都好波動，投資價值好一般。
停牌階段 股東只能等
股份於2021年4月22日暫停買賣，原因主要是董事涉嫌虛假交易。由於現時尚在停牌階段，股東只能等。就算最後可以復牌，以此股目前質素而言，投資價值不明顯，沽出換至其他較優質股票會較好。
理財個案（2）讀者來信：本金1萬投資建議
你好，請問如果我本金得1萬，可以做咩投資令1萬增加？
理財個案（2）龔成老師分析︰1萬本金增長有限
港股、美股，都有一些入場費較低的股票，都能成為你投資的開始，但坦白講，$1萬本金，始終增長有限，你一定要加強本金。但這可以作為啟動。另外，建議你多投資在自己的身上，提高你的身價，提高你的投資知識，長遠會更有利。
初期投資較有潛力的股票
我哋投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因應投資經驗和風險承受能力做決定
因此，你在選擇應該投資那一類股票時，會係因應你人生階段、投資經驗和風險承受能力，去做決定。假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
不過，你本金不算太多，我建議先集中在一些指數ETF。
更多理財個案及理財分法內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
