【理財個案】90後剛結婚每月供樓2萬、現時持有現金約20萬。請教小米仲有冇希望？領展是否可以繼續加持？另外想買多一隻優質收息股，有何建議？
理財個案（1）讀者來信：90後剛結婚每月供樓2萬
老師，我係一個剛結婚嘅90後。現時供緊一層樓每月約2萬。現時持有現金約20萬。
股票持有：
| 股票 | 數量 | 買入價 |
| 小米（1810.HK） | 1800股 | 20.953 |
| 領展（0823.HK） | 1360股 | 70.07 |
小米仲有冇希望？
想請教小米仲有冇希望？領展可以繼續加持？
另外想買多一隻優質收息股，有何建議？
理財個案（1）龔成老師分析︰「先增值 後現金流」
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
90後年紀應以增值為主
以你90後年紀，應以增值為主，建議你用「平穏增長股」 + 「潛力股」作組合會較好。收息股，增長力會較弱，拖慢你財富增長力。
小米現價合理區較底位置 可分注長線
小米（1810.HK）有潛力的，佢的產品性價比高，相信在全球好多個國家都會有市場，佢長遠只會進一步增長。同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。這股可長線，現價合理區較底位置，可分注。
領展整體仍是有質素
領展（0823.HK）有質素，持有物業都不差，同時部分有加租能力。雖然增長力比過往年代略減，但整體仍是有質素，是平穩增長型。近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，因此，長遠仍有增長力。
長線組合應分散至不同行業
現價合理中下部，可分注投資，長線持有。不過，長線組合唔好集中係2,3隻股票，應分散至不同行業。以100萬以下組合計，最好有5-10隻，咁組合會較平衡。平穏增長股，則現處於合理水平，可分注入市。
理財個案（2）讀者來信：股票越跌越多 蝕超過26%
龔成老師，我一直月供盈富，恆基，比亞迪，領展的，但依家越跌越多，全部都蝕得越黎越多，蝕超過26%，想問一下你覺得過1,2年係有信心會升返？好擔心。。。另外我想請問一下平均買入價係點計？
謝謝你，感激
理財個案（2）龔成老師分析︰比亞迪回咗 都仲係少貴
其實近2年疫情、經濟、戰爭、供應鏈、加息等多個負面因素一齊出現，好難個投資表現會好。你現時月供都是優質股，可以照月供。但比亞迪（1211.HK）雖然回咗唔少，係都係少少貴，唔好供得太多。
投資係睇企業質素
記住，我哋投資係睇企業質素，只要長線質素無變，中間波動唔使太在意，我地一定是用長線作目標考量。至於平均價，你月供其實好難，因為買入次數太多。計法是用每次買入金額總數，再除以現有股數。
理財個案（3）讀者來信：ETF＋比亞迪問題
龔Sir，有以下問題請教：
- ETF 如 3067/9067，除咗以港元/美元結算外，有何分別？點解要整個（9067.HK）出嚟？
- ETF 嘅 NAV 數據會 delay 1、2日，要根據呢段時間嘅升/跌調整NAV，如果嗰隻ETF唔係追蹤指數，如追蹤亞太高息物業等，可以喺邊度揾到升/跌數據？如果冇呢D數據應如何調整NAV?
巴菲特再沽比亞迪影響？
- 巴菲特再次沽出比亞迪，如果佢持續沽出甚至清倉，對比亞迪估值有幾大影響？從新估值後幾多先算便宜？
理財個案（3）龔成老師分析︰
- 只是貨幣上分別，你買（3067.HK）就得（港幣）。
- 其實好多ETF，都係追蹤某個指數，你去翻創建這個指數的官方網站，一般都會找到。如果無這些數據，我地就較難準確比較，只能用近似指數或者市場數據作參考，但一定有偏差。
仍睇好比亞迪
- 我自己仍睇好，當然，我都認為現時略貴。就算巴菲特賣晒，我都會大部分持有，放少少可能的，中短期會是這樣，長遠當然要睇發展。
初步估值現價合理區頂至略貴，但考慮到減少左巴菲特溢價對市場估值會減少少，可能$220以下或$200以下才開始合理。
理財個案（4）讀者來信：點解銀紙唔會變廢紙？
成哥我想問其實印銀紙，點解銀紙唔會變廢紙？
理財個案（4）龔成老師分析︰銀紙價值正不斷減少
因為有國家政府以未來稅收去背書，又或有其他方法做所謂的保證，所以正常國家的貨幣，都唔會變廢紙。另一個原因，係因為佢哋貨幣制度較完善，唔會令供應突然或過度大增，所以都減低了大幅貶值而變廢紙的機會。
不過，銀紙的價值，正不斷減少，你用「購買力」的角度理解就明，雖然不是變為零，但長遠正不斷減少。
更多理財個案文章：
更多內容：理財個案｜現持股票全部蝕入肉！一次過沽盡無眼睇vs再坐一會等機會｜龔成教室
更多內容：理財個案｜投資新手高位買入1手比亞迪！現已蝕5萬應否止蝕｜龔成教室
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
