【理財個案】22歲地盤科文、半工讀土木工程高級文憑，但只讀的理論，讀完未必應用得上，怕浪費時間，考慮仲讀唔讀好。想變有錢但又覺得工字不出頭！
理財個案（1）讀者來信：22歲地盤科文半工讀
成哥你好，我今年22歲，做地盤科文，岩岩開始半工讀緊土木工程高級文憑，但讀緊既野只係理論，讀完未必應用得上，覺得浪費時間，依家唔知讀唔讀好。
自細渴望成為有錢人
細個渴望可以將來成為一個有錢人，自由自在做自己想做嘅野，但係自己又無咩生意天份咁，唔似得你細細個就咁識做生意。初中時接觸到富爸爸呢本書，睇咗小小，接觸到財務自由呢4個字，但就冇深究。
工作帶來收入 每日忙於奔命
因為努力工作儲錢呢個「加」嘅概念由父母根深底固地傳到自己當中，所以只知道工作係帶來收入嘅唯一方法。踏入社會後，每日都忙於奔命，只係為生存。
失業後 找到地盤科文工作
個人開始走下坡，之後辭工，失去工作後個人開始變得焦躁不安，失業期中，我係三聯遇上你本書，一睇就不能自拔。其後找到現時的地盤科文工作。
「乘」的理財觀念
依家開始個腦係舊果套觀念同你果套「乘」嘅觀念衝突緊，個人好亂，返工又冇以前咁有幹勁，因為認清左原來自己係老鼠賽跑當中，唔甘心就此一生，但又唔知應該下一步點行。
靠自己努力同堅持累積到財富
我真係唔知邊個可以指點我去路，你係過來人，靠自己努力同堅持累積到財富，你嘅一字一言都具有極大既說服力，希望您可以得到你既回覆，感激不盡！！
個案重點：
- 22歲
- 半工讀高級文憑
重點目標：
- 工作方向的決定
- 是否仍要讀書
- 將來成為一個有錢人
理財個案（1）龔成老師分析：為學而學 有所保留
先講你讀書的部分，除非所讀的項目對你將來係有真正的幫助，否則只是為學而學，我有所保留的，因為太浪費時間，不如將時間用於學習創富，又或一些對將來事業有具體幫助的知識技能，那來得更好。
全職去做有關「乘」的工作
要賺大錢、要致富，最好當然係全職去做有關「乘」的工作，即是《80後百萬富翁》所講的5方法：生意、投資物業、投資股票、成為專家、佣金工作。這是最好的路，但未必所有人都適合全職的，全職做生意的人，10個有8個失敗，就算強如富爸爸作者清崎，亦試過到中年時，無錢要寄居在朋友家一年。
建議你以「打工+創富」並行
因此，全職創富這條路並不易行，當中必定會經歷失敗，之後才能有大成功，你的能力不是重點，你有沒有這個心理準備，以及決心才是重點。除非你有好大好大的決心，否則我會建議你以「打工+創富」並行數年進行會更好，即是本身有一份正職，再兼職去學、去做這些創富方法，而我自己都是運用這個方法的。
先打工去累積會更好
因為你仍好後生，思路可能未清晰，未完全知道自己想點。所以一邊打工，一邊做上面5方法，你將會更清楚自己想點，當上面方法的回報足夠你全職跳出來，到時再全職也不遲。加上你社會經驗不多，先打工去累積會更好。
打工不要單聚焦在人工
但要記住，你打工同時，必須利用時間學創富、去創富。而打工不要單聚焦在人工，更要自己爭取人工以外的東西，如人脈、社會知識與經驗、商機。
年輕人才懂的宣傳方法
你做地盤，之前我聽過一個後生仔做搭棚，由低做起，之後開搭棚公司，年年賺過百萬。其實，一些由年長人主導的行業，他們不懂得年輕人才懂的宣傳方法，這可能就是你的機會。
打工出路有限 但要保持積極
所以機會到處有，問題係你有無足夠的料，打工出路有限，但你都要保持積極，我相信積極打工與創富無沖突，所以你要做的是積極做好你份工，並從中找機會，再利用空閒時間學創富、去創富。加油！！
理財個案（2）讀者來信：搵到錢又學到理財技能的工作
多謝回覆。同埋想問下，其實香港有無咩工作可以令自己學到多啲關於投資/股票的知識？可以搵到錢又學到理財技能..如果i bank嗰啲應該好難入？
理財個案（2）龔成老師分析︰投資是專業的學科
其實投資都是一門好專業的學科，學校入面學到的知識其實都要配合實質的經驗，我自己學習得最多的知識，不是來自學校，是透過自己平時看書，不斷累積。
你揀工 工都一樣會揀你
我覺得你現時自己想太多用處不大，因爲你揀工的同時，工都一樣會揀你，再加上現時處於疫情，好多金融行業都會精簡人手，可能以前有的職位，流失之後就不再請。最容易入行的，其實是前綫工作，就算你在銀行入面推介理財產品，都要有相關的知識，變相都可以有得著。
建議由商業銀行做起
我覺得一開始，如果你無相關的學歷，要有由低做起的心理準備。IBANK最好有相關的學歷和經驗，會相對難入，同時IBANK辛苦，你自己又是否願意犧牲呢？所以，建議你由比較簡單的商業銀行做起，先進入公司，再慢慢轉職位。
看理財書學習相關知識
同埋，我自己不覺得一定要在工作中先可以學習到相關的知識，你可以看理財書來擴濶自己的視野。書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
更多理財個案文章：
相關文章：理財個案｜情侶月儲2萬計劃2年後結婚！想用結婚儲備炒股增值｜龔成教室
相關文章：理財個案｜43歲工作廿年現失業！股票蝕錢抽到居屋冇要好後悔｜龔成教室
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
