【理財個案】43歲讀者工作廿年，最後一份工月薪只得2.6萬，現時失業，上年4月起學人投資股票但股市跌勁蝕錢，只淨90萬身家，上年抽中居屋又無要，很後悔..
理財個案（1）讀者來信：43歲沒有大學畢業
龔sir，有睇你嘅書同每日睇你嘅post，你每日嘅post 真係好觸動到我，有一個話要爭取時間，一個話重新開始，最近嗰個要相信自己…..你知唔知，就好似心靈雞湯咁！但今日都係忍唔住想表達下自己嘅心情同希望你指教。
工作廿年 現在失業
其實我最近好唔開心，我已經43歲，沒有大學畢業就出嚟工作，一直都係做銀行（同你一樣，所以有種親切感），入職時只有6千5 (contract)，捱咗20年，最後份工都係得2萬6、7，現在失業。
學人投資 一夜間蝕本同利共20萬
我上年4月開始學人投資，當時成副身家有$140萬，跟你買入（1211.HK），幾注均價$175，因為當時唔識，只係知道要分散投資，亂咁買其他嘢，主要買入咗（1825.HK），一夜間冇晒本同利共20萬，另一隻致命傷係（0136.HK），蝕左7萬，今年年頭大跌，忍唔住$230 放咗（1211.HK），多得佢幫我賺返10萬。
抽到居屋嫌細冇要 感後悔
另一件事係上年6月我抽到居屋，鑽石山295呎，因為某啲原因，我冇要到，期待今年再抽，其一原因係今年有香港區，6月搞左珠，no. 好後，沒機會了，我霎時崩潰，我好後悔，呢幾個月我都瞓唔著！其實因為金融風暴，我同屋企人一直到而家仲係租樓住，當時其一原因係295呎對我哋一家四口黎講好細。
揀建期 趕供樓前搵工？
但而家諗返應該唔理咁多上車先，最好係冇壓測，3年後咪再換摟囉，當時唔識諗，重要係人唔係成日都咁好彩！其實我細佬買咗樓，但佢有女朋友，而我係單身，所以為自己又好，為屋企人又好，承受住上車嘅壓力！最近有新樓入埸價只係300萬，如果我而家買，揀建期，趕供樓前搵工，係咪好癲？
3月再買入比亞迪
講返股票，我3月又多得龔Sir你入返（1211.HK）， 但因為好多人都話今年股票上落大加太多心埋因素，$200賣咗。跟住$16x 入咗美團，點知即刻跌落$14x , 又因心理因素，蝕返落去！我知道睇長缐，真係知道架…….
自己衰唔夠你慳儉
因為自己衰唔夠你慳儉，又其實呢兩年大部份時間冇工作，而家身家得90萬左右，現時冇股票，我真係唔知應該點做，如果讀書，好快要比第一期學費，D錢只會有出冇入，咁我應該盡快搵嘢做，但其實我係唔想搵，唔係因為懶，我驚返咗工，跟唔貼個股市。
最近一直短炒目標賺40萬
呢排一直短炒，我唔貪心，我只係想搵返3、4十萬,龔sir 可否指教點樣重新入手，入邊D股票，除咗（1211.HK）， 好想知你第二選擇係咩？我呢個情況，係咪應該搵工，儲返D財富先？我呢個年齡，仲應該讀書嗎？
吖，如果你睇哂全文，真係多謝你
理財個案（1）龔成老師分析︰
其實你現時最重要的是調整心態，不要因爲過往的損失，而製造更多的損失。"每一分錢"都是你的血汗錢，都得來不易，你應該謹慎，珍惜才是，你現時要做的事吸取教訓並從新出發。在你過往經驗中，你應該明白投資，「知識」是十分重要。短炒好難賺到錢，投資股票其中著重點，是要懂得分析企業的前景以及賺錢能力，好的股票不應該賣出。
美臻集團主要從事服裝製造業務
美臻集團（1825.HK）主要從事服裝製造業務，包括男裝、女裝及童裝產品，過往業務一般，之前有炒作，令股價偏高，不過以業務發展來分析，這股的投資價值，只是一般般。
中國儒意有危有機
中國儒意（0136.HK）有危有機類。現時企業盈利不多，現金流不强，之前市值極高，市場對「前景」有無限幻想，有時炒作會升好多，但跌都可以好勁。這類股票如果要長線投資要很小心，要明白高風險。佢唔係不值投資，但風險高，故只能小小注。
比亞迪可以一直持有
比亞迪（1211.HK）是優質的潛力股，買入之後，如果不是太貴，其實可以一直持有；美團（3690.HK）的不確定性高，要投資，都要控制注碼。
「樓換樓」是一個可行策略
至於買樓，「樓換樓」是一個可行的策略，當初的你無選擇到居屋其實都有你自身的理由，其中包括「太細」，無法滿足生活所需，放棄買入其實問題不大，現時等下次機會未嘗不可。而新私樓，我就不太建議，因為一般都有溢價存在，變相令你買貴左。我比較建議係2手市場，睇下有無合適機會。
投資係長線 唔係短炒
另外「驚返左工，跟唔貼個股市」這種觀念是錯誤的，因為我哋做投資係長線，唔係短炒，所以唔會成日睇個市。反而，買入前分析要做得足。現時你要做就是找工作，令自己現金流不要再持續流失。
要有回報才值得做
至於讀書，我雖然鼓勵別人進修增值，但都要睇翻你進修的科目能否幫助你在事業上更進一步，你要將投資的概念帶入進修當中，不要盲目讀書，要有回報才值得做，只要值得，就不論年紀都可以嘗試。
可用「月供」模式累積資產
投資是等你工作穩定之後先考慮的，因爲投資是長線先有成果，對於投資經驗不多的你，可以用「月供」的模式為自己累積資產。同時，建議你先集中指數基金，港股如盈富（2800.HK）、美股如（VOO）。到你有一定投資知識，才好去買其他股票。在你找工作同時，你有時間就去努力增進投資知識。你要多讀投資相關書本、年報，新聞和報讀相關課程。
努力增進投資知識
書本上，你可以睇我寫的《80後千萬富翁》、《財務自由行》和《股票勝經》，都適合初學者。另外，本人的【投資倍升股課程】適合初學者的，如果你要提升自己的投資回報就一定要有相應的知識，因爲回報是和知識成正比，課程所教授的技巧終生受用。
更多理財個案文章：
相關文章：理財個案｜45歲失工作能力！現金用於還債vs將股票換高增長股｜龔成教室
相關文章：理財個案｜平凡80後曾1個月只用700元！十年後變股票班導師｜龔成教室
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
