理財個案】丈夫想回新加坡工作及生活,但土生土長香港人妻怕不習慣,且已十四年沒工作,考慮將香港聯名樓放租留後路,萬一回流香港都有保障,求意見。

理財個案(1)讀者來信:擔心跟丈夫到新加坡生活不習慣

多謝老師回覆,冇錯。先生同我睇法唔同,佢本身新加坡人,呢度搵唔到$想返去,因為新加坡有福利。我係土生土長香港人,唔想離開又唔鍾意新加坡咁熱。兩個小朋友喺度長大,佢哋都唔想走。

大仔有自閉症譜系+濕疹

大仔係自閉症譜系加濕疹,天氣熱佢好辛苦,所以我好擔心嗰邊讀書壓力同天氣,一直支持香港唔肯過去。因為喺香港幼稚園、小學都轉咗三間,先搵到一間佢鍾意嘅。而家升中二,我好驚去到星加坡,佢又唔肯返學又適應唔到個壓力我到時唔知點算。

已14年冇做嘢 冇經濟能力

我擔心去到佢真係適應唔到,返轉頭有冇地方住。同埋我已經14年冇做嘢,冇經濟能力。而家層樓係聯名,如果買咗我驚先生攞晒啲錢。

有層樓覺得有個保障

去到Singapore如果生活得唔開心,想離開亦都完全冇能力,到時我會好無助同好委屈。因為呢幾年我唔肯離開,老公成日都話離婚。我嘅關係已經冇以前咁好,所以有層樓覺得有個保障。

去星加坡租住先好唔好?

如果香港層樓放租,去星加坡租住先好唔好?不過香港樓價向下行,星加坡依家不停升。屋企人同朋友都叫我去星加坡租住樓,睇定啲先再決定。我真係唔好意思好長氣,但我真係好煩。

資金困難 唔敢亂用錢

我本來都想報你嘅課程,一直有興趣。但係現在資金困難,唔敢亂用錢。請問老師嘅財富係咪都係通過投資股票債券所得?

理財個案(1)龔成老師分析︰財富唔一定通過股票累積

其實財富,唔一定只係通過股票,債券這類工具累積。生意、專業技能等,都可以幫你致富,詳細你可以睇我《80後千萬富翁》一書。(有時間,我建議你睇埋《財務自由行》和《股票勝經》,去增強自己基本的理財認知)

可以保留香港物業收租

如果你經濟許可(因為你本身同我講,唔賣港樓,好似過新加坡生活都會有問題),或者你真係有太多個人憂慮,你係可以保留香港物業收租。畢竟理財策略係個人化,唔係一定只諗賺錢方向。

留意新加坡有否稅務問題

但你都要考慮,香港放租,在新加坡有否稅務問題(令實際回報少左)、你能否身在外地之下,打理到香港租務等因素。最後,我都再提多你一次,你現時面對問題,唔係投資,而係你家庭問題,投資問題只係副作用。 

建議用時間認真處理問題

畢竟你和你先生、小朋友,都是一家人。我建議你們用時間,認真處理你們多年未解決到的部份。如有需要,建議你們找一些專業人士(如社工)協助。唔好有奇感覺,就好似病咗睇醫生,係好正常嘅事,唔好再俾個問題變大。

每個方法都有其優缺點

至於投資策略,你要明白世上無一個完美的方法,每個方法都有其優缺點。最重要是這方法,是否適合你和你家人,是否一個你們一家願意一同走下去的方法,加油!

按此免費訂閱《香港財經時報》HKBT 新聞快訊

理財個案(2)讀者來信:33歲女月入3-5萬 

老師你好,33歲女 ,手上有70w現金,月入3-5萬,大灣區2套房在供。想問70w現金買居屋好,還是再存多啲買私人樓好?目前租房,主要自住。70w應該如何投資好?

大灣區2套房月供7千元 收租3千元

70w現金是不久前套現大灣區樓,目前大灣區樓只持有2套,月供7,000元。收租3,000元。手上現金應該如何再投資?

理財個案(2)龔成老師分析︰應加強股票配置

你現時的資產主要集中在物業類,長遠應該加強股票的配置,達到「股樓平衡」。如果你將來打算在香港居住,長遠在香港置業是有必要的。居屋有自住的價值,但投資價值就一般,如果你只想在港有個居住的環境,居屋可以考慮。

可先用股票投資 將資金滾大

若你無買自住樓的迫切性,可以先用股票投資,將資金滾大(同時令財富組合更平衡),然後再投資物業。你33歲,建議你用「平穏增長股」 + 「潛力股」作組合,去創造一個增值平台。

約20-30萬建立投資組合

你可以先動用$70萬中的約20-30萬建立組合。至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。

內地物業租金回報率不高 建議套現

到你將資金增值到一定的額度的時候,要預留半年到一年的時間放賣股票套現,避免價格過於集中。最後,內地物業租金回報率不高,如果唔係特別有質素,建議你考慮套現部份或全部,至其他投資項目。

更多理財個案文章:

相關文章:理財個案|43歲工作廿年現失業!股票蝕錢抽到居屋冇要好後悔|龔成教室

相關文章:理財個案|90後月光族望還債後與妹夾錢買樓!求加速儲錢方法|龔成教室

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。