【理財個案】90後月光族讀者尚有半年才還清欠債，預計2023年開始可正式儲錢，目標每月儲1萬，期望與妹妹每人出50萬首期夾錢買樓，求加速儲錢方法。
理財個案（1）讀者來信：90後月光族望還債後與妹夾錢買樓
Hello Sir，我係一個月光族既90後，仲有半年先還晒啲債，2023年開始 可以正式儲錢，目標係每月1萬。以前自己係月光族，最近連至親嘅親人都走埋。覺得有個家好緊要，自己一個無媽咪爸爸幫手，靠自己上樓真係好吃力，覺得個目標離自已好遠咁，所以，想會同妹夾錢買樓。
如何令每月儲蓄既一萬變大？
我哋每人都將會拎出50萬出嚟做首期，睇你嘅《5年買樓4步曲》令我好有動力，希望可以盡快上車！想問下點樣令每月儲蓄既一萬變大？新樓買唔起，所以會想睇舊樓，唔知sir，可唔可以指點下！
理財個案（1）龔成老師分析︰集中做好「儲$50萬」先
你開始正視並改善自己「月光」的問題，是一種進步。你先做好儲錢，到時再一步步睇樓市，夾錢買樓不是不可，但問題可能較多，但這刻你集中做好「儲$50萬」先！
要分清「想要」和「需要」
儲錢其實並不是一件十分困難的事，你只要分清「想要」和「需要」；記賬；不使用信用卡，久而久之，你就會養成習慣，每月就開始有錢剩。
建議你用「收入-儲蓄」的理財方式
如果你要達到每月的理財目標，建議你用「收入-儲蓄」的理財方式取代「收入-支出」，這樣你就能夠確保自己一定達到目標。我在堂上經常提到一個概念就是「小資產追大資產」，你可以先用個股票增值，然後支付物業的首期。
90後投資應以增值為主
你是90後，投資應以增值為主，建議你用「平穏增長股」 + 「潛力股」作組合，去創造一個增值平台。當然，如果你承受風險不高，就集中儲現金，又或只投資較低風險的收息股。如果能承受基本風險，你可以用每月先用5成儲蓄做月供。
一邊月供股票一邊儲蓄
其餘先儲起，用一邊月供一邊儲蓄的策略。如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
潛力股比重可以相應調高
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
努力增進投資知識
除了透過以上月供方法，去累積資產外。同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
買樓前半年至一年起賣股票套現
你的投資知識決定你資產增值的速度，等你買樓前的半年至一年就要開始賣出股票套現，避免一次過放，有價格集中的風險。
理財個案（2）讀者來信：物業重估會影響盈利？
Sir 想問上堂教過 如果有物業重估，會影響盈利，要折走物業重估條數再計盈利，EPS，PE. 咁如果折舊攤銷大既企業，係唔係都要咁做？
折舊攤銷不用折走？
定還是因為折舊攤銷都係生意入面年年都有既數 可以唔使折走？
分析EBITDA 就可以？唔調整嘅PE 估值參考價值係唔係無咁高？
理財個案（2）龔成老師分析︰一般好少去折走折舊攤銷
理論上，折舊攤銷同物業重估都是會計的概念，從純利中折走，會較真實地反映現況。不過，我哋一般好少去折走折舊攤銷，反而會同經營現金流和EBITDA去綜合分析，了解實際情況。
物業重估相對一性
而物業重估﹐佢係相對一性，數據好多時都會較大和波動。所以，佢有折走的必要。當你要折走物業重估時，就會令過去年度的實際純利變左，故這些年份的市盈率都要相應上/下調。如果你依然唔太有信心做，你可以用較長年期分析。
房地產類物業重估 基本上有週期性
例如房地產類的物業重估，基本上係有週期性，只要你拿年份夠長(如7-10年)，就可以對佢架影響自然地平滑化(即折走物業重估都得)。
更多理財個案文章：
相關文章：理財個案｜剛步入50歲、深信月供股票好處！現月供盈富騰訊美團等應否換馬｜龔成教室
相關文章：理財個案｜25歲人生樽頸位求變！工作穩定但發展有限、想5年儲100萬｜龔成教室
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
