【理財個案】18歲大學生一年級生自稱讀不到名牌大學及喜歡的科目，認為自己是失敗者！看過龔成的書後，想不通如何「不為錢而工作」？無錢何來本金投資？
理財個案｜33歲嘗試自己建立投資組合！揀8.5厘高息股有乜風險？｜龔成教室
理財個案｜讀者來信：18歲大學生自認失敗
龔成老師你好，我係18歲大學一年級生，因為睇到有讀者來信，咁我都試下來信先，我係一名讀唔到名牌大學，讀唔到自己鐘意既科既一個失敗者！因為我讀緊果科無乜前途，有次買書見到你呢本80後百萬富翁就拎左上手睇，睇左前言都覺得好勵志！
諗唔明如何「不為錢而工作」
所以就買咗返屋企睇，我愈睇愈沉迷，有幾個問題唔係好明，mark 低左，未知老師可否抽空解答？仲有你書到提到唔係為錢而工作，為學習而工作先啱嘛，但我自己好鐘意咖啡，所以已加六，日朝早下午都用咗時間嚟返cafe。
理財個案｜一家3口供滿樓、36歲婦想辭職炒工人慳開支再買樓收租｜財智三人幫
唔返工無錢何來本金投資？
之後又補左4個習，咁其實我係咪應該cut曬佢？
因為我學唔到任何關於投資既知識，但我唔翻工，又無錢，咁我又何來本金投資，但翻工又佔左我好多時間咁，望老師解答。
個案重點：
- 18歲大學生
- 考不上名牌大學
- 覺得自己是失敗者
- 有做兼職，有喜歡的事物
重點目標：
- 不要為錢工作
- 如何在學習和工作上取得平衡
- 應否停止所有兼職
理財個案｜讀者現持港股美股跌好多！Tesla均價1千元買入溝唔溝｜龔成教室
龔成老師分析：「唔好為錢而工作」是一個長期概念
你記住，所有嘢的出發點，都是長期。我建議「唔好為錢而工作」，這是一個長期概念的說話，即是說，你唔可以為人工，而付出你的人生，但在中短期，我哋都要有儲初期資金的時間，因此，如果只是幾年去打工，只為儲錢，是無問題的。因為這是一個中途站而不是總站。
視「為錢工作」為總站就有問題
但如果你視「為錢工作」為一個總站，就有問題。同時，除非你該工作人工好高，否則，如果對你長期的作用不大的話，就不要長期做（最多只能做一段時間）。你現時返cafe，相信是你的興趣與將來的目標，這就是「不為錢工作」，因此，你可以繼續做。
打工不是無價值
至於補習，如果只是中短期一段時間，無問題的。同時，由於你18歲，相信未有初期資金，這段時間靠高時薪工作，去助你累積基本財富，這一步是重要的。因此，打工不是無價值，但如果你每月打工後，都無資金剩，這就有問題。
為「長遠的自己」打算
最後，你要想想你現時的大學學科，對你長遠的幫助，以及你自己本身想的長遠目標，睇下條路點行，最能夠助你行到去長遠的目標。好好利用現時的時間，為「長遠的自己」打算！
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
