理財個案】32歲女月入3萬、最多月儲8千,有30萬流動現金!過往只買過儲蓄保險,家庭問題令精神壓大,想知如何用兩、三年時間儲夠錢搬出自住?

理財個案|去年用530萬投資的士連的士牌!見牌價無上落想賣出|龔成教室

理財個案|讀者來信:32歲女月入3萬 最多月儲8千

龔成老師好,本人32歲,月入3萬,流動資金約30萬。因家庭經濟負擔不小,算支柱,所以過往只買過5年期(供完)和8年期(剛買,每年15,000)的儲蓄保險。現時月儲最多8000,同樣因家庭問題,精神壓力好大,好想好想搬出去,期望2,3年後做到,到時夠不夠資金去租樓?

想搬出自住又唔敢住劏房

但我女仔一個,唔敢住劏房。請問老師我搬出去是否天真的想法,我可以點做?

理財個案|騰訊股價473元入了一手!想再入股幾時溝貨好?|龔成教室

龔成老師分析︰宜用每月儲蓄做月供股票增值

其實找自住物業,最重要係睇你有無實際需要,無話天唔天真。現時香港樓價雖然唔平,但若有真正需要,其實這刻置業都可以。之後,我地再諗係你現行經濟條件下,點樣去在可承受風險水平下,去實現這個目標。以你現時狀況,你可以用每月儲蓄,去做月供股票,去增值你的財富。

「保險」財富增值有限 作用只在防守

至於「保險」主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。

理財個案|39歲想用10年儲夠350萬!再月收15,000元股息退休用|龔成教室

投資「平穏增長股」和「潛力股」

策略上,你可以投資「平穏增長股」和「潛力股」。你每月5成儲蓄,即是用$4000做月供。其餘先儲起,用一邊月供一邊儲蓄的策略。如果你現時無太多投資經驗和知識,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。

先投入10萬「分注」買貨

若你有一定投資知識﹐潛力股比重可以相應調高,佔組合約3-5成,視乎你投資知識多寡和了解這些股票程度而定。現時大市只是合理區,你現有30萬資金可以先投入10萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。

投資回報如有10% 三年後約增值至70萬

我假設投資回報有10%(連股息再投資),你每月投資$8000+,現有資金30萬,3年後大約會增值至70萬。若是5年,則回報大約110萬。你可以以此作參考,去制定你的計劃。若資金不足,我建議你努力加大儲蓄,或者拉長增值年期,去累積更多財富去置業。

租屋會長期承受租金波動風險

租屋唔係唔得,不過你會長期承受租金波動的風險,你要明白這一點。

當然,以上只是從投資和財富配置角度去考慮。若你生活上有搬家的迫切性,你係可以另作考量。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。