理財個案】讀者在騰訊股價190元時買入(但只有1手),想知現價位應否先獲利離場先呢?能「賺咗先」的感覺好像好實在。優質股票的適合獲利時間是何時?老師,有問題想問,你書中都提到優質股票要長揸,然後咁佢地係有冇適合獲利時間呢?

理財個案|35歲女因病停工年多、下月復工料減薪!想靠10萬積蓄投資增值|龔成教室

理財個案|讀者來信:優質股票的適合獲利時間?

老師,有問題想問,你書中都提到優質股票要長揸,然後咁佢哋係有冇適合獲利時間呢?因為一日唔拿出來一日都冇真正袋咗啲錢,點樣為之應該要獲利呢?到底係點衝量呢?

股價190元買騰訊現應沽定揸?

好似我隻騰訊(0700.HK)咁190元買入(但只有1手),現在已倍升。我此刻價位應否先獲利咗先呢?能賺咗先的感覺好像好實在。我年輕,想盡快滾大財富。賣出後再買應該能加速財富增值。

股票投資騙局大踢爆!投資沒正式業務「劣質股」散戶中伏蝕大錢|龔成教室

個案重點:

  • 年輕
  • 持有騰訊應否獲利
  • 想盡快滾大財富

重點目標:

  • 了解更好的投資模式
  • 想有效累積財富

【藍籌股2021】中期業績大檢閱!4隻高息藍籌息率逾6厘|博中海油博財息兼收

龔成老師分析:用平貴的角度分析

我哋在原則上,會偏向長線投資,特別是優質股。愈有質素的股票,就會愈偏向長線持有。在實戰上,卻無絕對的答案。我哋會用平貴的角度分析,如果見到一隻股票到貴的水平,都可以考慮賣出,但無人知賣出後會唔會再升。通常我建議用「升一倍,賣一半」的策略,因為無人知會唔會再上。

港交所現價開始處略貴水平

以港交所(0388.HK)來說,在現價開始處略貴水平,的確可以賣部分,不過,如果佢之後的「企業價值」提升呢?如果佢的合理值,因為佢業務增長,大環境配合而有所改變,現價都有機會慢慢由貴變合理,這是長遠有機會出現的。所以,投資無絕對,無人有一個絕對贏的方法,我哋都只能用策略去做平衡。

港交所業績半年盈利創新高!每手派息469元|無貨又想買要等呢個價

優質股偏向長線持有

騰訊(0700.HK)是優質股,如果只有一手,我會建議你持有。總之你記住,愈優質的股票,就要愈貴先會考慮賣,而賣出後,無人知能否買得翻。你要想想,如果賣出後無法買翻,那個價才值得你賣出?你要記住,投資優質股一定係長線持有,先至機會得到最大利潤。

散戶常犯的投資錯誤

好多散戶都會見升咗咁多,不如放咗佢,等回再吸翻。但好多時股票反而一直升,無人會知,咁你會失去升值機會之餘,要用更高成本才能買回優質股,是得不償失。當然一隻優質股如果估值上已經好貴,你可以放走少部份(唔係全部)。

騰訊業績2021|半年多賺46%好定差?國策影響有幾大?股價升定跌?專家睇法係咁

「升一倍賣一半」是簡單投資策略

我哋無人知會唔會忽然跌翻,只能用一些策略去做。如果你持貨想賣,有時「升一倍賣一半」都是簡單策略。但你手上騰訊由於只有一手,無法賣一半,所以建議你長線。同時你可以睇下,全球最賺錢的投資者、基金經理,佢哋的投資方法係點?

巴菲特來說,佢是長線投資去得到巨大利潤的,所以我哋都應該學這方法。

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。