理財個案】27歲單身月入4萬,2019年起儲錢及接觸股票,後來再學人買牛熊證玩過夜,但因買錯邊,投資輸身家後更曾向銀行借錢,現想改變現狀來信求救。

理財個案|阿里巴巴、快手股價高位買入蝕入肉!沽貨走 vs 中長線持有|龔成教室

理財個案|讀者來信:27歲單身月入4萬元 

龔sir,講少少自己背景,我27歲,單身同屋企人住,搵40k,以前要還grant,loan,同大洗,月光族,直到19年我的起心肝儲錢,果年我大約儲左15萬,同年我初初接觸股票,主要買正股,藍籌,加少少潛力股,印象中升到18萬左右。

學買牛熊證玩過夜輸身家

我個人比較急進,加上我身邊有朋友買牛熊,如是者,我又開始跟人玩,前排個市好chok,一開波,兩日已賺到唔少,以為好易贏錢,心雄,結果學人玩過夜,結果買錯邊,一開市得番幾萬,我唔「鋸」想快d追番,結果去買咗啲,0.01,幾接近回收既牛熊,結果我輸晒所有錢。

用信用卡透支借錢再投資

之後休息咗幾日,見個市跌左好多,應該會反彈,因為未到出糧,我引唔住係信用卡透支咗5萬現金出黎再買,結果果日個市再插,我又輸晒,仲爭銀行錢。呢2個月,我無再借錢,因為自覺咁樣落去一定死緊,但為咗快啲,還晒啲卡數,我一出糧,就搵機會再買牛熊,雖然無輸晒,但都輸左20-30%,結果拖慢咗還錢進度。

自覺迷惘兼失敗

我好迷惘,覺得自己好失敗,身邊有朋友好保守,佢哋都勉強買到500幾萬細細地嘅樓,而自己雖然事業好順利,有專業資格,嚟緊會升到40k,但理財方面就差到極。我好想改變現況,唔想戶口永遠咁少錢,加上我自己都唔細,唔想再咁落去。

請問我而家應該點做?

我打算先唔接觸任何投資先,盡快還清卡數,大約兩個月我會還晒,之後我打算cut咗個証劵行戶口,遲啲,用番銀行買正股算,因為証劵行個app,實在太方便,太多資訊睇到,又好多槓桿產品可以玩,自問自己自制能力比較差,一睇又好想玩。

想取消證券戶口+Cut卡保平安

之後我想取消咗個串流報價佢,一來慳返幾舊水,二來有串流,成日咁貼市,又會手痕,還原基本部,價值投資,根本唔使串流報價。最後,想cut咁啲Credit Card,留返一張方便自動轉賬算。

呀sir,你有咩建議比到我?我還晒卡數後,之後每月大約儲到28k,應該點運用好?我希望老師可以救救我,謝謝

股王2021|騰訊股價見52週新低後回升!聶sir薦兩手策略!呢個價可買 

理財個案|股價315元入快手、衰貪心高位無放!現忍痛止蝕定堅持SH?|龔成教室

個案重點:

  • 27歲
  • 賭博心態投資
  • 利用信用卡投資

重點目標:

  • 想改變投資模式
  • 怎樣長遠累積財富

龔成老師分析:憑賭博方法賺錢的只有少數 

唔少投資者,都會經歷短炒、玩衍生工具、賭博等心態,我20年前都試過,衍生工具、孖展等,我都有玩,當時當投資是賭博,想盡快賺錢,心急,心雄。我明白,呢個世界有些人能憑這些方法賺錢,但只是極少數,我過往做銀行同證券行,好明這點,而長期能賺錢的,大多是長線持有優質股的一群。

先暫時停止投資 

其實,好多年輕人都有你這類心態,就算是上過我股票班的學生,我都知總會有同學忍唔住做短炒,但好多野要自己試過,先會死心,我講,你哋唔會聽的。你暫時停一停,唔好再投資先,呢段時間,你要睇10本有關巴菲特的書,明白點樣先最賺錢,之後先從新開始投資。

Cut信用卡+不要再借錢投資

同埋,剪去所有的信用卡,之後唔好再借錢投資。如果你抱有「我想好快賺翻所輸的」,就唔好投資。你要明白,投資是理財的其中一步,這是一個配置過程,你是將現金轉化為資產項,長線持有,到你好肯定自己明白這方法時,先再開始投資。

建立長期「財富組合」 要優質平衡 

我地最重要是建立一個長期的「財富組合」,要優質,要平衡,要適合你的年齡與風險承受程度,建立後長期持有,不是買賣賺差價,而是成為你財富組合一部分。

如果你真心想累積財富,就由月供股票開始,以「儲股」的模式進行,不要再炒賣。

按此訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。