讀者來信:Anthony Sir你好!疫情放緩,但開關仍然遙遙無期,我們做旅遊生意的仍然看不見希望,香港市民接種疫苗的比例相比外國仍然嚴重偏低,真係唔明點解,點樣先可以鼓勵市民積極打針呢?我見發展商、商戶反而有自發推廣,有冇啲方法值得參考呢?

回覆讀者來信:柏傲莊III自爆不達標拆卸重建 

上星期樓市最轟動的新聞,要算是柏傲莊III自爆建築水平不達標要拆卸重建!建築水平不達標當然不是好事,但發展商的處理手法卻有說服力,之前也有不少建築水平不達標、短樁等新聞,但處理手法通常都是請來專業人士做檢查,進行加固工程,然後就照賣樓照入伙,今次發展商主動拆卸重建,並花數以億計的金錢作不同方案的賠償,願意承認錯誤及承擔,贏回不少分數。

疫苗接種率仍然差強人意

相反就COVID-19疫苗接種計劃,效果卻剛好相反。政府花了不少資源做宣傳,但接種率仍然差強人意。日前跟老爸到茶樓飲茶,聽見一眾老友記堅持唔去打針,原來最主要是因為不滿政府接種疫苗後的處理手法,情況跟柏傲莊剛好相反,筆者答應為他們反映一吓。

不要自怨買唔起樓 想先買一間再變兩間 兩間變四間 要識置業兩步曲 |第一桶金

所有身亡個案與接種疫苗無關

老友記最不滿的地方,是接種疫苗後身亡的個案不願承擔!今次老友記最不滿的不是特首林鄭,而是專家小組,對於所有身亡個案,結論都是…冇關!沒有因果關係!所有不幸身亡個案,都是接種者自身的問題,是自己有長期病患,與接種疫苗無關,是市民自己「只見樹木,不見樹林」的心理錯覺。

「點會無端端面癱?」

老友記說這是令他們最最最失望的!

老友記們你一句我一句…無端端點會發病?…面癱都話唔關事?點會無端端面癱?…成日都話係接種者自己健康有問題,我哋個個都幾十歲,邊個身體冇問題架,咁有事一定又話冇關啦!…佢哋係專家,我哋點夠佢拗丫?講嚟都嘥氣,一於唔打!

買舖收租|投資商舖多陷阱+中伏位!3個原因解釋為何散戶不宜沾手|第一桶金 

為何不能不問因由都有得賠? 

…其實點解唔可以好似韓國咁,總之有事,不問因由都有得賠?…唔想人話係疫苗問題,可以話係恩恤金架嘛!…當日又話撥咗十億出嚟做賠償,乜都唔賠!…好谷氣!唔打!筆者沒有求證老友記講的是否事實及事實之全部,純粹反映…

贏咗場交,輸咗個家!

記得有個廣告講家暴,贏咗場交,輸咗個家!
一樣!專家小組,醫學界精英,小市民當然唔夠佢哋拗,但問題是現在不是考DSE,你啱晒咁又點?100分咁又點?今次目的並不是分對錯,而是希望市民可以安心接種疫苗。就好似柏傲莊III事件,佢都可以搵一班專家小組出嚟,出一大堆報告,話唔影響樓宇安全,做番啲加固工程照去馬,但他們沒有這樣做,反而自爆並史無前例地拆卸重建賠償,反而更贏得市民信心。

香港二手樓價創29周新高 套股換樓個案增 代理料樓市再展升浪

為抽獎打針有乜問題? 

日前凱匯抽樓!打咗針可以抽獎,一個逾千萬單位!
預約打針人數立即急升,效果非常明顯,政府又不願參考,稱不希望市民因為着數而打針,情願大灑金錢日日大賣廣告,效果都強差人意,為乜?為抽獎打針有乜問題?賠償方案又令人失望,又沒有額外誘因,怎能怪市民沒有動力去打針呢?

參考柏傲莊III的做法

特首也好,專家小組也好,你們都是專業人士,講道理,小市民一定唔夠拗,但他們可以用行動表達不滿,希望政府及專家小組明白,啱唔係最重要,啱聽才是最重要,或者可以參考柏傲莊III的做法吧!

按此訂閱《香港財經時報》HKBT 新聞快訊】 

作者簡介:作者為1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。