理財個案】31歲女剛失業,有20萬現金及30萬股票,現時短炒股票以每日平均賺千多月為目標,想10年賺100萬,最終目標買多層樓收租,請教龔成投資策略。

理財個案|27歲未結婚無樓月入5萬!有23萬現金15萬股票想3年儲100萬|龔成教室

理財個案|讀者來信:31歲失業女炒股勁賺想日贏1千元 

龔Sir,想請教下本人31歲,剛失業。有:

  • 20萬現金
  • 30萬股票
  • 15萬外幣儲蓄

最終目標買多層樓收租 

丈夫每月月入25,000元,現供樓每月用12,000元,每月可儲5,000元左右。本人現時有短炒股票,以每日平均賺千多月左右為目標,資金有一直增強。但最近大市好似唔太穩定,開始有擔心,對短炒信心愈低。希望可以請教老師,如果希望未來十年可以有100萬增長,最終目標買多層樓收租,可以點投資?

現有股票:

股票 代號 買入價
AIA 1299.HK $61
吉利 0175.HK $10.6
微盟 2013.HK $6.5
京東 6618.HK $149
金沙 1928.HK $27
領展 0823.HK $55
$56
$66.7
匯豐 0005.HK $55
雷蛇 1337.HK $5.37
長江基建 1038.HK $38

以上股票應否先止賺?

多謝老師先,留意你的page好耐,覺得你的價值觀同想法都很好。希望之後有機會能上你的課!

龔成老師分析:失業投資股票不宜太進取 

  • 第一,你現時失業,宜保守少少,留一定的現金,投資股票不宜太進取。
  • 第二,我20年前,都是短炒者,炒左幾年,輸足幾年,之後長線投資,就開始不斷賺錢。

短炒者一定輸 

我好後悔當時浪費了幾年去學短炒,我當時不斷睇書、上堂學短炒,但最後都是輸,好後悔,只怪我當時無知。之後做銀行同證券行,見大部分輸錢的客,就是短炒的一群!這是我10年見到的情況,這是行內的秘密,根本大家都知短炒者一定輸,但業界一定唔會講!

長線投資 要優質要平衡 

另外,如果你分析全球真正賺錢的投資者、經金經理,佢地都無人短炒,都是長線投資的,巴菲特更講明反對短炒。所以,我強烈建議你不要再短炒。至於你現時的股票,基本上都有質素的,你可以長線。其實,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。

長線投資股票2021:水桶模式投資法(一)資產分3類長期增值+產生現金流|龔成教室

價值投資已死?買低估值股份機會不再?專訪龔成逐一拆解6個價值投資謬誤

微盟、雷蛇有潛力 但都有風險 

同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。微盟(2013.HK)、雷蛇(1337.HK)有潛力,但都有風險,不建議持有太多。匯豐(0005.HK)只是收息,增長力不強,未必適合你年齡,如果股價上返可轉其他。

每月投資5,000元 十年滾存150萬

現時你失業,宜保守啲。

當之後正常返,就可以加大投入,如果每月能投資$5,000,連同你原有的資產,10年後預期能滾存$150萬以上。

按此訂閱《香港財經時報》HKBT 新聞快訊