理財個案】27歲讀者未結婚、無物業,月入5萬,有23萬現金及15萬股票,鍾意消費,有剩先儲,錢都儲得不多。目標3年內儲100萬,點做先得呢?

理財個案|22歲月入17K、考慮靠6K月供3隻股票!目標每年收息12萬|龔成教室

理財個案|讀者來信:27歲未結婚無樓月入5萬 

龔sir,第一次inbox,多謝你願意花時間指點迷津。本身從未諗過投資,鍾意消費,有剩先儲,錢都儲得不多。只係人越大越發現如儲現金想買樓,無父幹係天方夜譚。我睇過你兩本著作《財務自由行》同《股票勝經》覺得你所講既買入企業價值呢個核心理念好正確,因此手頭上既股票都會以長揸為目標。

月供股票儲資產 目標3年儲100萬 

我本身對數字唔敏感,更加無金融方面既知識,依家未有能力分析股票既價值。因此決定先月供股票儲資產。希望日後有機會上你堂再學多點!

財務背景:

  • 27歲 未有家室 未有物業
  • 月入5萬 開支18000
  • 已投資股票15萬
  • 現金23萬
  • 目標3年內儲100萬!

已入手股票:

股票 數量 買入價
京東健康 100股   170.4元  
盈富基金   1,000股   24.87元 
小米   1,400股   16.85元 
陽光房產   2,000股   3.72元 
比亞迪電子   500股   35.3元 

另有美股約5萬

打算先開始月供12,000港股 

我打算先開始月供12,000港股,睇過龔sir既介紹,諗咗個組合出黎:

集中投資潛力股

但最近見(01211.HK)升好多,是否應該先轉供另一隻潛力股?始終係呢個年紀想投資多啲潛力股先,所以我應該只集中供一隻收息股(盈富),其餘全投放係潛力股?多謝龔sir賜教。我想一步一步養成儲蓄習慣先,將來會儲多點月供會加碼,務求早日達成目標!

祝身體健康,長搵長有!

龔成老師分析︰投資「平穩增值股」+「潛力股」 

你這個年齡,是財富增值的黃金時期,要好好把握,盡你一切的力量去儲蓄、投資、學投資知識。你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。

比亞迪現價貴

雖然你暫時未有物業,但這刻先以股票集中做好財富增值先。初學者當未能掌握平貴,用月供去儲貨,係一個最穏健的做法。比亞迪(01211.HK)現價計係貴價水平,月供最好都等到$120以下才開始,咁會較理想。而盈富(02800.HK)唔係收息股,佢派息率唔算高,但有一定增長力,都適合你。

現時大市在合理區

組合上,潛力股和平穏增值股比例合適。你可以用這個月供組合,每月餘下資金先儲起,用一邊月供一邊儲蓄的策略。現時大市在合理區,23萬資金和每月儲到的資金,就等大市出現一定程度的下跌,才大力度掃貨,然後長線投資。

陽光房地產用來收息

而你持股中,陽光房地產(00435.HK)主要用來收息,增長力唔高,唔適合你。因此,暫時唔好再加注了。你這年齡,雖然可以投資更多潛力股,但前題是你都要有一定的投資實力,因為潛力股要求的技巧與承受風險較多。

按此訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。