【理財個案】30歲讀者過去兩年每月供盈富5千元，現時已累績14萬元，意味兩年其賺2萬元！上月起增持安碩恒生科技（3067.HK） ； 而投資組合則以舊經濟股為主，想知應否調整？
理財個案｜27歲月入15K、有6萬現金！想全沽5隻股票換優質股｜龔成教室
理財個案｜讀者來信：30歲月供5千盈富兩年賺2萬
龔成sir你好，上次詳細問你問題已經差唔多過左兩年，現時30歲，呢兩年我一直月供盈富$5,000，累績14萬，成效覺得幾好，會繼續。
另外有留意最近你介紹的安碩（3067.HK），上個月都開始進行一手手咁買，儲股票。
現有手頭上股票有：
- 領展
- 金沙
- 中生
- 盈富
- 安碩
- 阿里巴巴
股價狂熱 應該如何調整投資組合
睇到現時股價狂熱，唔敢亂入貨，之前領展同中生就係較高位入，不過以上都係你介紹的優質股，所以會繼續持有。請問龔成sir以上股票組合仲可以增加邊類股票？或者應該點樣再調整？除盈富同安碩，其他股票需要等大跌市先再適合入貨嗎？
關注滴滴出行上市
另外黎緊今年準備新上市既股票你認為邊隻會比較有質素可以少注抽？我比較關注滴滴出行上市，請問龔成sir點睇？多謝你分享，令我哋學識唔好亂炒股票，雖然我一開始資金有限，miss咗你一直睇好的比亞迪，不過我相信繼續學習就會有能力做百萬富翁。再次感謝
龔成老師分析：舊經濟類無過熱
你現時持有的，都是有質素的股票，你保持持有就得。加上上述不少都是舊經濟類別，無過熱情況。如果其他股票想入貨，領展（0823.HK）、金沙（1928.HK）仍合理，只要控制注碼可以，而阿里（9988.HK）$250以下合理，你本身有貨，可以等這個位再落多少少加注。
新股宜選獨特性強 難被取代
其實你上述的方向正確，保持增加優質股就得，而新經濟類股，就要控制注碼去增持。至於新股，你可以留意一些獨特性較強的，較難被取代，以及無乜對手的。滴滴出行我相信有投資價值，不過要到時分析先知。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
