讀者來信：Anthony Sir你好！我身邊個個朋友都覺得買樓好難，大部份人都覺得無置業希望，你會如何勸免年青人呢？
大陸撥地解決香港土問題？深圳自己都唔夠地！還能撥地予香港嗎｜第一桶金
回覆讀者來信：年青朋友覺得買樓好難
是的，身邊很多年青朋友都覺得買樓好難！
首先要搞清楚：真係好難？還是覺得好難？
甚麼是…真係好難？
如果你身邊的人，個個都做唔到，整個香港甚至整個世界，只有極少數、極少數人可以做得到，你可以話…真係好難！例如成功攀上珠穆朗瑪峰，例如10秒內跑完100米，事實上真係好少人做得到，最少我們身邊，未必有人做得到！
甚麼是…覺得好難？
然而買樓呢？我們身邊有很多人做得到啊！
以筆者的學員為例，就算沒有父幹，沒有母幹，普普通通打份工的年青人，只要努力學習，敢於實踐，就用我們教的方法，基本上超過八成年青學員，一、兩年內就可以成功買樓上車！
看看最近大圍的新盤，排隊睇樓都要排8小時，賣幾百伙，收票收逾2萬張！仲未計其他新樓盤，仲未計同期其他二手樓成交，即是說，有數以萬計的人做得到！點會難呢？
30歲與家人同住！自認無置業上車自住需要！有需要買樓投資嗎｜第一桶金
點解你會覺得難呢？
所以買樓嘛，並非真係好難，只係你覺得好難！
點解你會覺得難呢？每個人都有唔同原因！
可能因為你身邊的人都不是物業投資者，他們都覺得買樓好難，令到你由細到大耳濡目染，根深蒂固，睇番轉頭，原來你問嘅所謂親戚朋友，自己都冇乜買過樓，就舉手搶答搶住教你。可能因為你睇咗好多傳媒的負面報導，例如甚麼不吃不喝21年才買到樓等，中毒已深。又可能因為你出來社會工作不久，收入仍然好低，還未想到方法突破思想框框，覺得儲首期好難。
你要不斷去問自己兩個問題…
點解咁多人做到？好明顯唔係真係想像中咁難！
點解自己做唔到？好明顯人哋有啲方法，自己唔識！
歸根究底，就是你身邊沒有一些成功的投資者，告訴你怎麼做！又或者你聽咗之後，當耳邊風，左耳入、右耳出，沒有用心地去學習與實踐，例如有些網友說：「我都睇咗好多關於買樓嘅書，亦都上網睇咗好多專家嘅分析同教學，識啦！」
還好，最少你願意去學習，但學咗唔等於做咗…
事實上，今時今日要學習買樓知識，上網可以找得很多，點解你仲係買唔到？仲係覺得好難？點解筆者咁多年青學員來到一兩年內就做得到？很多甚至已經賣咗，賺咗錢，已經樓換樓，又或者一間變兩間、三間、四間了！記住！學咗唔等於做咗！
向成功的人士學習
網上資訊實在太泛濫，就講專家評論，一個睇升，一個睇跌，你聽邊個？精神分裂啦！
最重要係你身邊有戰友、有支援，推動你實踐！
向成功的人士學習，敢於實踐，最重要的！
難…唔重要，最重要是難在那裡，如何拆解？
編按：專欄作者為1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
