【理財個案】讀者：我喺2020年買入一手 屯門樓 oma by the sea 一個兩房單位，當時差唔多600萬買入，而家銀行估價只值500萬，同埋實質成交都不足500萬，每個月仲要貼$5000供樓，然後每個月生活費連埋供樓都要$25,000左右。
理財個案 ｜1手買 屯門樓 已變負資產 進退兩難
而家收入又大減，不穩定，每個月收入啱啱夠基本開支，本身的儲蓄已經用咗嚟買樓，而家只剩大約40萬蘋果股票，所以而家係進退兩難，想賣咗層樓佢但係又唔值錢，又蝕好多錢又冇乜錢可以袋得返，所以請老師指點迷津，而家感覺很迷惘。
驚加息又要供貴幾千蚊根本就負擔唔到
我應該繼續出租守住層樓，定係應該點樣？但係又驚加息又要供貴幾千蚊根本就負擔唔到，同埋本身黃金海岸嗰邊都冇乜配套，應該嗰度都好難樓價會上升，所以好迷惘好擔心，請老師幫忙分析一下我啲情況應該點樣做才能適合我的理財方案，十分感謝老師的幫忙。
錯誤投資陷經濟壓力 好迷惘好後悔
感覺自己一個錯誤的Timing和投資地點投資決定，令到而家陷入經濟壓力的狀況真係好迷惘好後悔亦都好唔甘心。
理財個案 ｜龔成老師分析︰無可能每個投資決定都正確
首先，最叻架人，都無可能每個投資決定都正確。最重要，係你能否吸取當中經驗，去幫自己未來行得更遠。我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。所以，你要先諗清楚，你物業作用，是自住、還是投資。
如果自住 長線供倒就問題不大
如果自住，長線供倒就問題不大。若投資，你就要從長線角度，去思考下同一筆錢，未來(10-20年)放係邊個地方，先對自己最有利。
更多理財個案內容：理財個案｜40歲單親媽養兩女 暫住前夫單位 有物業放租但唔夠錢供
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。