理財個案】Hi 成老師,想問下我今年35,諗住買離島村屋連天台,因為我想種嘢,所以想長住到老,老咗再逆按揭。但係聽講村屋投資回報唔高,請問你覺得我買私樓投資,再租村屋會唔會比較好?謝謝!

另外,多謝你成日為有投資果難嘅人解難!好人會有好報!祝你生活愉快,身體健康。

理財個案|龔成老師分析︰35歲想買離島村屋連天台

首先,多謝你支持!你個情況,我可以理解為現時村屋,暫時未適合你現時需要,但長遠你會想住村屋,直至百年回歸老?如果係咁,我會建議你先買適合自住架私樓,樓齡和質素唔好太差。因為目標要佢長線樓價變幅,至少同大市同步,到你開始要轉換生活環境架時候,用佢樓換樓。

買村屋有好有壞

至於村屋投資價值,唔係話一定差。買村屋算係有好有壞的,好處是村屋除了呎價較低外,實用率一般達9成,比較實用。而且,適合飼養寵物或值物人士。但村屋要注意的事項比較多,村屋不設入伙紙,只有滿意紙,而買入前要確保有滿意紙(因為不少村屋是個別業主自己興建,質素存有疑問,是否有滿意紙都未知)。

村屋可能涉及丁權、地契等複雜問題

同時,村屋可能涉及丁權、地契等複雜問題,甚至有過路費、業權、僭建等問題,買入前一定要了解清楚。此外,連天台或花園的村屋,要清楚是否入契。

按揭較低 一般60%至85%不等

至於按揭方面會較低,一般60%至85%不等,成數不及一般的住宅物業。買入前要預較多首期,更由於成交疏落,銀行估值可能會較低,買入前一定要做估值,而按揭年期最高為25年。

所以,要有新投資者接手村屋,會係較私樓麻煩,所以投資價值一般會打左少少折扣。

更多理財方法及股票投資入門內容

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。