【理財個案】讀者：Hi老師，想問你關於匯豐嘅問題。我係匯豐工作，員工可以有買三股送一股的優惠，即75折買股票。每月最多可買$2500左右價值嘅匯豐股票。但限制是，未來三年都要持續係匯豐職員，同埋啲三年內股票不得買賣。如果係你，你會唔會join 呢個share match scheme？
背景：
- 3X歲
- hsbc 員工
- 有一個小朋友
謝謝
龔成老師分析︰考慮匯控投資價值
我分2部份答你︰首先，係佢投資價值。匯控（0005.HK）由於之前疫情等不確定因素已慢慢過去，相信較大機會會慢慢好轉，但就不是高增長，只是穩定，投資者不能對股價有太大期望。 投資者要留意，銀行股賺錢能力始終不及過往年代，因此不要對股價期望太高，但作為收息股則可以。
另外，銀行業不是無風險的，因此不要將過多資金，集中在這類股。
年輕人應著重於增值類資產
第二，就係佢適唔適合你。當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
36歲偏向建議先做好財富增值
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時36歲去計，一般我會偏向建議先做好財富增值部份，而唔係儲收息股(畢竟收息股增長力較弱)。
有75折優惠＋股息都可以
但由於你有75折優惠，再連埋每年股息計，其實個整體回報都算可以。再加上只係佔你每月收入一少部份，只要你其他資金做翻增值，每月用$2500儲匯控(在有75折的前提下)其實都可以。只要你明白，佢增長力唔算高，始終銀行業唔係20年前個狀態，你預係少少增長加收息，咁就可以。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
