理財個案｜29歲有做定期＋買股票！想10年後資產增值到400萬

【理財個案】成哥想問下以下問題：我本身有以往一直做定期儲蓄儲左60萬，用70%資金買股票，去年12月頭已買了幾隻股，佔股票資產18%，潛力股佔11.1%平穩增長股佔6.84%

理財個案｜讀者來信：29歲想10年後資產增值到400萬

2024年定期到期，打算入場2814三星fang同SPLG各25%長線投資5-10年，我朋友話個重複性有啲多，但我係想買2814主要係平均買美股7雄，而SPLG係買美股500大企。我有睇完你兩本書圖解股票小百科同股票勝經。

而我今年29歲，想10年後資產增值到400萬，我用50%總資金開始長期投資。

另外20-40%現金係股價便宜-合理區再出手，因為依家美股大型科技股都係合理區上部，想問下我個長線投資策略合唔合理？暫時持股組合，我暫時港股同美股比例8:2，會係港股熊三時期先買多啲比例，而打算每月用1萬數投入股市。想進取一點。

謝謝你

你現時組合，其實又唔算好重覆。記住，個別行業盡可能控制在不高於組合比重3成的水平，咁會較好。(不過你想進取點，而集中少少係科技類，都可以，只要你明白咁係會令風險偏高就得。)持組都有質素，除左FirstSolarInc（FSLR）投資價值較中等，長線不宜大注。

港股同美股比例上，大致都可以，如果個別地區控制係7成比重以內，就更好。整體策略，大致都可以。我假設投資回報有10%（連股息再投資），你每月投資$10000+60萬本金，10年後大約會增值至350萬，依然同目標400萬有少少落差。

不過你組合較進取，如果發展正面和經濟全面轉好，都有機會年均增長高過10%。

但你要記住，願意承受高風險，唔等同100%換來高回報。因為相關企業發展成功，當然你架取進組合會跑贏大市。相反，如果發展不似預期，都會跌得比大市急好多，你要明白這一點。