【理財個案】30歲讀者五月會移民加拿大，帶住老婆同個仔。到埗後會有一年多時間先讀書，故將沒有收入，現金亦不多，想知應該先沽部分股票作移民生活費？
理財個案｜30歲一家3口5月移民加拿大
成哥你好，想請你睇下我個倉俾啲comment。因為我五月會移民加拿大，帶住老婆同個仔。我會讀書所以有16個月冇收入，老婆要湊住個仔都冇收入，好彩屋企人幫手學費租金，我希望讀完書盡快搵到工。我現金宜家得好少因為月月清，宜家返緊銀行工我30歲。唔好意思條問題咁長，我需要沽啲貨做移民生活費嗎？多謝你時間
其實我最想沽（2382.HK）
龔成老師分析︰移民建議多留些現金
你的圖片有些模糊，但我會盡量回答。如果在未來會移民的話，你的生活將面對比較大的轉變，建議還是多留些現金，以備不時之需。你已經預期自己有16個月沒有收入，但由於移民會有好多的不確定情況，最好預留24個月以上(甚至更多)的生活費應付需要。
港股估計短期內未必明顯好轉
現時港股仍然處於較弱的水平，但估計短期內未必明顯好轉。你持有的股票中，其實都有質素，但在現時的市況底下，需要時間去修復估值。你其實先睇翻自己需要幾多錢，再決定沽幾多貨，之後再分段咁慢慢沽，去平衡價格變動風險。你持股中，無話邊隻明顯較弱，所以你平均咁沽就得。
舜宇光學科技期較弱
舜宇光學科技（2382.HK）佢短期較弱，業績差，盈利有較大的下跌，跌左7成，你預短期較一般，至於長期，又不是無發展，雖然核心無太大問題，但管理層話競爭大左，都會擔心對佢有一些影響。所以，這股現時要睇你持貨，如果持貨佔你組合的比例唔算太多，你可以守。但如果太多，
- 第一，唔好加注
- 第二，等個市好翻啲，反彈多少少，你可能要減部分。
整體仍算有質素。過往手機市場高增長，令佢鏡頭業務受惠不少，但近年手機增速開始減慢，加上競爭大左，對佢有影響。在長遠，無論是手機鏡頭，又或是各種鏡頭方面的應用，都不是無發展的，不過，中短期可能會有少少波動。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
