理財個案｜月入4萬應買邊類型保險？求兩隻穩陣收息股投資推薦

【理財個案】讀者表示：「月入4萬，想問下邊類型保險值得買？」又有讀者問：「港股而家有咩穩陣收息股你推薦？（想揀兩隻）建行作為收息股優質嗎？」

理財個案（1）月入4萬應買邊類型保險？

月入4萬想問下邊類型保險值得買

保險我自己會分為2類，一類係增值(如儲蓄保、投資相連保等)，一類係保障(如純人壽、醫療、危疾等)。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。投資相連保險，佢係有少少似買基金，但由於保險公司和基金公司都會分別收你費用，除非隻基金長線大幅跑贏大市，否則不太建議投資。

至於保障類保險(如純人壽、醫療、危疾等)，我覺得係應該購買。原理就是將你某些不想承受的風險，轉嫁給保險公司。例如人壽保險的原理，是當一個人不幸過世，其家人會因此而失去經濟支柱，

若果想將「失去經濟支柱」這部分的風險轉比保險公司，就要買人壽保險。當家庭失去經濟支柱時，保險公司的賠償就會起作用，購買保險的人就用「保費」作爲代價。

在理財中，我們應該做到「攻守兼備」，保險是防守性產品，有購買的需要。我自己也有買，但買哪些類別，金額多少，就真的很個人化，要視乎你願意承受哪些風險，又有哪些風險想轉嫁給保險公司。

請問龔Sir,

你可以建立一個收息股的組合，目標是5%以上股息率的收息股，例如港燈（2638.HK）、深高速（0548.HK）、香港電訊（6823.HK）、工行（1398.HK）、置富（0778.HK）、陽光（0435.HK）、高息基金（3110.HK）都可以，你可以了解下，並從中選股。可以以3110為主，再選多隻。
建行（0939.HK）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價中下，但唔好對股價有太大期望。前景不過不失，中短期會因中國經濟有影響，銀行業的賺錢能力不及從前，加上壞賬因素，都影響盈利能力。長遠不差，但不是高增長股，收息可以，現水平可投資。