投資入門｜騰訊及阿里巴巴股價現是平是貴？最新投資策略分析

【投資入門】有讀者問：「騰訊（0700.HK）與阿里巴巴（9988.HK）投資價值如何？現在什麼平貴度？又有讀者問：「中國財險或中國人壽較好？」即睇龔成老師點回應。

理財個案（1）騰訊及阿里巴巴股價現是平是貴？

龔sir

兩隻都是有質素，有長線投資價值的股票，大約處合理區較下部。例如騰訊（0700.HK）過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。

同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。

這企業長遠仍有質素，有發展力的。佢最有價值的，就是「平台」，這亦是現世代好有發展的資產。佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。

過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。

不過，政策會令其賺錢能力減，不過，長遠騰訊仍找到賺錢方法，簡單來說，就是現時定了新的遊戲規則，而企業要時間去適應，中短期賺錢能力減，但長遠會慢慢好轉。

老師

請問中國財險（2328.HK）同中國人壽（2628.HK）好？

中國財險（2328.HK）主要於國內為各界客戶提供多種財險產品，包括機動車輛保險、企業財產保險和家庭財產保險。過往的生意與盈利都不差，不過就無乜增長動力，質素算是中等。這股都可長線，不過就重收息，唔好對股價有太大期望。

中國人壽（2628.HK）並不是無質素，不過增長力唔強。同埋企業的賺錢能力不及過往年代。相信這股唔會再大跌，但要佢大升都不易，長線持有價值都算有，你預都有平穩增長的能力。適當持貨可以，但又未必值得持有太多。