投資收息股二選一：中移動vs中石化！阿里佔組合15%應否再加注

【理財個案】讀者問：「如果想買入股票作收息股，應該選擇中國移動還是中國石油化呢？」另有讀者問：「阿里佔組合15%，平均價103蚊，應否再加注？」

理財個案（1）投資收息股二選一

你好，想問一下你的專業意見
如果想買入股票作收息股

應該選擇 0941.HK 中國移動
還是 0386.HK 中國石油化呢？

兩隻都是不差的收息股，現價合理，都可以投資，長線持有作收息，你可考慮兩隻同時持有，只要金額不過多就無問題。如果你想2選1，可考慮中移動（0941.HK），佢業務會比中石化（0386.HK）穩陣少少。

中移動（0941.HK）有質素，5G雖然對佢有正面影響，長遠發展仍正面，值得長線持有，作為收息及平穩增長。過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。

過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。

整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。

老師，想問問隻（9988.HK），我大約持貨2000股左右，平均價103蚊，大約佔我組合15%, 以現時黎睇，我應否繼續分注買入，還是，以月供黎買入，還是再觀察情況？

其實這股仍有質素的，不過增長力的確比過往減左，同時回勇要時間。你持有15%其實已經是上限，唔太鼓勵你加注，始終我地要控制每一隻股佔我地股票組合的比例，以控制風險。最近佢分柝計劃失敗是一個不利因素，電市場之前對佢分柝以釋放價值期望已經落空，所以短期股價會波動。

同時，這次失敗反映阿里都面對一些潛在問題，例如美國出口管制規則影響業務，以及一些內部管理問題，企業要回勇相信不是短期事，但由於業績不差，投資者又不用過份睇淡，但這次事件無可避免會對企業質素有少少扣分。

如果你真的想加注，現價加少少好了，去到18%其實已好勉強。