打工仔日做夜做都係為咗份糧，有名自稱係獵頭的網民在連登討論區發帖，稱「愈忠誠的人，人工就愈低」，並列出3點只要學識就有機會獲加薪的關鍵。網民：每3年走一走是常識吧！
學識3個關鍵可獲加薪？
有名自稱是獵頭的網民在連登討論區發帖，稱自己做獵頭期間，發現「愈忠誠的人，人工就愈低」，並列出3點只要學識就有機會獲加薪的關鍵。
- 根據市場環境叫價：獵頭也到在每次轉工時，對方公司的HR均是根據求職者現時薪金去判斷人工，表示而叫價的合理增幅大概是20-30%。因此在外面求職時，可以嘗試用這個幅度去叫價，千萬不要叫價過高。
- 定期轉工：獵頭亦稱「試水溫」是必要的一步，除了可以知道自己在市場內有沒有underpay以外，也可以用其他公司的Offer「同老細salary review」，也可以增加議價空間。在員工的角度，「好多人都覺得自己underpay」。站在老闆的角度，最重要的是「要有證據證明自己有能力，咁先說服到佢加人工。」有offer證明自己亦得其他公司賞識，在市場上有一定的競爭力。
- 懂得保障自己：即使對公司忠誠，也要學識保障自己。始終打工仔返工是為了收入，為了養家活兒。職場上「講金唔講心」，為了「人情味」而死心塌地留在同一間公司，真的會直接影響將來轉工的叫價能力。
網民：每3-4年走一走是常識吧
帖文引起不少打工仔回應，紛紛認同，表示定期轉工才是「王道」：
「每3-4年走一走是常識吧」
- 「的確係，你搵開13K嘅，唔會知啲人20K嘅係咩世界」
- 「所以真係要出去試下水溫，拎住個offer同老細salary review嗰時都大啲bargaining power。因為喺老細角度，好多人都覺得自己underpay，但重要嘅係要有證據證明，咁先說服到佢加人工。」
- 「3,4,5年換個環境都合理，定期轉工先知自己值幾多」
有打工仔認為轉工係合理，但都要面對風險：
「香港要多d人工，一定係2-3年轉一次工，不過就要take risk 工作轉變 / 人事關係」
- 「轉到某個點其實真係樽頸。不過咁睇，又有邊個可以咁好彩一份工玩到尾」
- 「轉ok，但轉完更伏點算」
網民經歷
不少網民都留言分享自己的經歷，其中有網民表示與僱主討論加人工時遭拒絕，但一有新offer即會加人工：
- 「其實當參考，轉亦都唔一定搵獵頭。我依家同樓主講既情況一樣，對公司忠心真係好傻。最初要求加人工，佢話唔得，出面一有offer就加30%。不過都唔留，直接走。」
- 「之前叫公司加多小小人工，又話呢樣話果樣，其實都係加多10%左右。而家我有新offer +35% 又話可以match offer叫我留低」
其他網民經歷：
- 「我有個舊同事成日呻公司多野做，又識唔到人，但係又唔肯走。兩年走咗之後(另一行業)識多咗人，成日跟同事出去戶外活動，個人開心咗，人工高過舊公司，升埋職仲識到女朋友話準備結婚，真係估佢唔到。當然未必個個人都係咁，不過呢個係我身邊真人真事」
- 「係舊公司做左五年，年年加得千幾。有次appraisal完醒覺轉工，份糧即刻double左。你當人係自己友，人地當你係隻狗。」
- 「我都諗緊轉唔轉工好，近排升左title, 同老細講想有salary review，點知佢就開始雞蛋挑骨頭。一直都underpay緊，有d 想走」
- 「本身有個同事做左個PO 10年title都仲叫秘書位，而家佢走，見hr將請佢個位變左做AM位。係香港做同一間公司唔會理你年資去加，但跳出去人地就會」
講金唔講心？
有網民問咗個好現實嘅問題：
「但如果而家返緊嘅工做得好開心，同事亦都好好，只係人工好低，仲轉唔轉好？」
認為唔轉工嘅網民大多認為做得開心好難得，唔一定要講錢：
「你估轉工冇risk 嘅咩？一陣轉咗份伏工人工加幾多都補唔返」
- 「返工係咪下下都要講錢」
- 「做得開心，人工覺得ok，咪唔走，唔ok嘅同老細傾下，傾唔掂再算。多數做得開心嗰啲，老闆應該都唔差。」
- 「搵到一份做得開心嘅工好難，萬一轉咗份伏工點算」
認為要轉工嘅網民則認為應該要講金唔講心：
「講金唔講心係職場一貫嘅宗旨」
- 「返工睇錢最重要，講心就比人搵笨」
- 「返工咋喎，做人現實啲好，向錢看！」
- 「唔走果d 係唔敢跳出comfort zone姐。呢個年頭仲邊有人同你講忠誠，講錢最實際。」
- 「間公司又唔係你既博盡做咩？搵過另一間加人工好過啦！」
精選留言
- 「當你有走既念頭你其實心底有數啦！出去行個圈望下同行市場又好，識多啲人脈又好，最後得到既都係自己既」
- 「而家仲會做咁耐嗎，3-4個月就走一走大把」
- 「同感情一樣，越專一越係良心當狗肺」
更多關於網民熱話的內容
網民熱話｜細29歲內地妻霸屋兼迫離婚：84歲港伯「我養佢㗎」｜網民：聽到都覺得心酸
