網民熱話｜香港人假期北上吃喝玩樂已是常事，萬一唔好彩遺失各類證件，應該如何返港？《香港財經時報》整合5個步驟，助你輕鬆返香港。
深圳遺失證件
香港人假期北上吃喝玩樂已是常事，萬一唔好彩遺失各類證件，應該如何返港？早前有港人北上到遊玩，在深圳會展中心站時，發現同行朋友的銀包、身份證及回鄉卡通通不見。於是在「深圳大陸吃喝玩樂交流」Facebook群組發文求助，希望網民可以提供解決方法。
網民回應
不少網民在看到帖文後都第一時間幫手出謀獻策，希望可以幫到樓主朋友：
「所以呢，手機上要有齊以上所有證件的照片，包括提款咭、信用咭...真係報失都有個証明」
- 「先要在各口岸出境大廰中旅辦臨時通行證，早上12點前做，下午4點取。下午4點前做第二天早上取。回到港境就跟關員說掉了身份證辦證明過關，或叫人拿護照到深圳給你過香港關。」
- 「你朋友應該去唔見銀包嘅派出所報失留你聯絡方式先，然後再搞下一步，可能你朋友幸運的話就唔洗搞咁多喇」
- 「應該即刻同站上工作人員講，因為好多人執到會交俾車站職員。希望快快搵到叫屋企人摞你嘅護照上去俾你，之後係海關中旅辦理一次性證件回香港，第二日就可以返嚟」
- 「去羅湖口岸派出所報失，話係附近遣失，佢哋最有經驗，做好文件後去隔離海關緝私局辧臨時証，過香港關………」
- 「即刻去羅湖關口前比錢排隊搞一次通行」
最多人建議去報公安
而最多人建議的，就是去報公安：
「如果你而家冇任何身份證明嘅話呢咁你就要去報公安局」
- 「報左公安先啦，等他們教你點做啦」
- 「搵公安機關」
- 「報公安局先，可能找得回」
- 「兩樣唔見難搞，都係去關口搵公安嫁啦！唔見回鄉證都仲可以比錢買一日證」
網民分享經歷
有不少網民亦分享自己曾在內地不幸遺失的經歷：
- 「尋日在大陸，到我唔見左iPhone 同銀包。去左派出所報案，點知有好心人執了拎左去派出所，錢都仲喺度。好人一生平安」
- 「可先去商埸保安崗亭問下！我在商業城三樓小鄭家內衣鋪跌咗銀包！因買完直返香港才知吾見。打去店家話拾到叫我第二日返去拎！原封不動交回！好感恩！自身發生好人好事正能量！」
- 「我個親戚漏左Gucci袋係電動車度，入邊有齊證件同幾千蚊現金，到第二晚先發現唔見左個袋，落去搵仲原封不動係度」
5個步驟助你返香港
當然，上述只是建議，正確做法如下：
- 到派出所報案領取報失紙（須出示港人身份證明）
- 前往深圳市公安局的出入口管制部（四個指定口岸辦理中心）或中旅社可辦理臨時通行證
- 取籌、交回表格及付款，一次性臨時通行證收費為570元，附兩吋半相片兩張，辦理中心設影相服務（人民幣25元/次）。一般而言，上午申領，下午才取臨時通行證；下午申領，翌日才獲取臨時通行證
- 獲發臨時通行證，於各口岸聯檢大樓填妥藍色出境紙
- 出示臨時通行證及出境紙，並宣誓證明資料屬實，方可返港
外遊前做多1步！
由於遺失證件亦須出示身份證明，所以建議大家外遊前拍下證明文件。若果真的不幸遺失正本，亦有影印本或圖片核實自己身份。
