網民熱話｜香港地樓價高企已經唔係第一日嘅事，成功買到樓的人仍要想如何利用自己僅有的人工去供樓，一供就可能是幾十年。連登討論區有人就自己月入5萬，但每月供樓連雜費已失去超過七成人工開帖抱怨，更認為這樣的生活質素「仲差過住公屋拎綜援」。
月入5萬唔好學人買樓？
連登討論區有人就「月入5萬唔好學人買樓」為題開帖，抱怨自己雖月入5萬，但要供樓，又要交管理費、保險、雜費，一個月已經失去3萬多元，加上「食飯5千，仲要儲下錢交税去下旅行」，表示自己的收入「月月清」。
慘過住公屋拎綜援？
樓主更表示自己一個月的人工所剩無幾，買樓後生活質素直線下降，直言「仲差過住公屋拎綜援」。
網民：買之前無計數㗎？
帖文一出就引起不少網民討論，網民反應兩極，有人認為樓主買樓前沒有計算好供款金額，質疑樓主是否高估自己的能力：
「買之前無計數架？買完先知每月支出要咁多？」
- 「事實5萬月入好難供 600 萬以上嘅樓 好多月入冇5 萬嗰啲 不嬲都係要公一份婆一份 除非冇車，冇小朋友，唔洗額外儲錢投資」
買樓都係公一份婆一份
- 「家庭收入50k姐係25k一個人，高中位數少少。咁都買到樓香港冇窮人啦」
- 「買樓不嬲收入唔係好高，都係公一份婆一份，一個人買樓係for專業人士。好多得2,30k人工既連登仔係度怨買唔到樓，唔知做乜」
5萬點夠供樓生活
有網民認為香港地即使是月入五萬元，仍不足以供樓加生活：
「我搵9萬，1萬留交稅，3萬供樓，水電同管理費1萬，家用2萬，交通+食飯+生活雜費+保險+娛樂都係得返2萬。5皮收入點供樓生活」
- 「真，食個飯，一餐一舊水，一個月都一皮野」
- 「食飯5k即係每日得百幾蚊咋喎，條數已經好保守」
真係唔好咁進取
亦有網民覺得樓主不應太過進取，可以買自己力所能及更負擔得起的樓盤，
「冇咁高人工咪唔好買咁貴囉」
- 「你買咩樓要成3皮幾？ 新樓加 700萬以上樓？」
- 「反而如果知自己career 上唔會再有增長，就真係唔好咁進取」
- 「我都唔明揾得幾萬買咩貴樓，出面大把三百萬左右既盤」
加息增加供樓負擔
當然，有網民認為加息才是供樓困難的關鍵：
「其實最主要加息，希望唔好再加落去」
- 「事實5萬月入好難供600萬以上嘅樓」
- 「唔好話人無計數，係加息真係加咗好多」
