【理財個案】讀者來信指與老公在理財上有分歧，生小朋友後，原計劃3年後買樓，預買約800萬樓。但近一年老公完全儲唔到錢，儲蓄計劃搞亂，如何解決僵局？
理財個案｜讀者來信：夫婦有小朋友計劃買樓
龔成老師你好，我同老公係理財方面有較大分歧，所以想請教下你。因為生左小朋友，我哋計劃3年後買樓，預大約買800萬自主樓，首期預俾2成。但佢呢一年，完全儲唔到錢，佢居然花錢在一些無謂嘢上，將我地的儲蓄計劃搞亂咗，佢同我理財概念完全相反。
老公唔配合點做？
然後我哋吵大獲，想問下我應該點樣去解決呢個僵局？唔知呢個似感情問題定理財問題多啲，點都好，我以前係覺得係香港買樓係無可能，係你令我知道一步步來，最終都可以達成目標，令我賺到人生第一個一百萬，多謝你！雖然我儲到錢，但老公唔配合，點做？根本3年買唔到樓。
個案重點：
- 夫婦理財有分歧
- 有小朋友
- 近一年無法儲錢，打算買樓計劃
重點目標：
- 處理夫婦理性分歧
- 加大儲蓄力
- 3年後買$800萬樓，2成首期
龔成老師分析：兩個人現理財分歧係正常事
兩個人出現理財分歧，係正常事，100種人，就會有100種不同想法，100種不同目標，最重要，大家要互相遷就和諒解，才可以一同生活下去。你都要明白，現時是一個家庭，不是一個人的儲蓄計劃，家庭每一個成員都會參與，會付出，因此，「配合」是最重要的。
有機會不是投資理念上
所以，你們背後的問題，有機會不是投資理念上，而是在溝通上。我建議你們先將自己冷靜下來，之後再找個機會，作理性討論，因為在不理智情況下爭論，只會令你們愈講愈錯。
「了解」是最重要的
你要嘗試令對方明白，自己所想的未來計劃、目標和擔憂。同時，你都要理解佢，為甚麼會花錢買這些物品？「了解」是最重要的，如果你一開始就說「不應買這物品！」佢就會有對抗的心態，相反，你要了解佢為甚麼買這些物品，從而在將來的理財上配合，同時令佢明白，買了這些物品的利與弊，以及對你地儲蓄，買樓計劃的影響。
理財計劃並不是一個人
記住，理財計劃並不是一個人，而是一個家庭，當設計一個理財計劃時，大家都要一起計劃，你可以問你先生：「我們如果想3年買樓，每月就要儲$XXX錢，你是否可行？如果不行，你認為多少較合理呢？」
這是兩個人都要參與的事
可能你先生提出，每月只能儲某個數，可能不合你預期，你可同佢講，如果每月只儲這數，買樓計劃就要推遲到4年、5年後。你要佢明白這點，但佢有可能真的無法儲到你目標數，只能儲到較低的數，令你哋買樓計劃推遲，這都要接受，始終這是兩個人都要參與的事。
多溝通 定共同目標
你不能將計劃強加於佢，要大家一同計劃，參與，這樣才能有效完成理財目標。我建議你哋日後，多溝通，定共同目標，同時可以有一些獎勵，例如「如果我們的財富去到XXX水平，就可以買XX當獎勵大家」。
只要一起共同前進，好多問題都能夠解決，加油！
更多股票投資入門及理財方法內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
