理財個案｜有2000萬現金唔想有操作！求淨收息唔蝕本的投資方法

【理財個案】讀者問：如果有2,000萬港元現金，不想自街操作，只想收息，亦不想出現賺息蝕本的情況，有何好的投資工具好介紹？

理財個案（1）讀者來信：2000萬現金唔蝕本的投資方法？

龔成老師，假設如果有2000萬港元現金，唔想有操作，淨係想收息，亦唔想賺息蝕本，有咩好嘅投資工具好介紹？

建議你將資金平均分配到以下項目︰

第一，投資債券，你可以選擇A評級的債券，你可以到銀行問問。(只要持有到到期，你係可以全回全數本金。但留意，債券始終會有違約風險，就算再高等級，而個風險都係會有。)
第二，投資年金，你可以睇睇，這是適合你的產品，零風險，可以有穩定回報。
第三，你亦可投資銀行低風險類的產品，你可自行到銀行了解下，總之是「低風險，持續現金流」的。
第四，可做定期，現時定期的利率因爲美國加息都有不錯的回報。
第五，持有現金以備不時之需。
第六，收息股，但你要明白股價都會波動，你可以了解下先，先決定是否投資。

你可以將$2000萬資金，平衡地分配在上述的項目上，對你來說是最好平衡風險，同時有穩定的現金流。不過要記住，無一種投資工具是零風險的，我地只能平衡配置以減少風險，但都要明白價格一定會波動，如果你擔心，建議你較多比例持有現金及定期，小部分作投資上述的工具。

龔成老師你好，想問下以我依家嘅家庭收入應否換樓！

有一自置物業2019年518萬購入！現時銀行估價大約只有420萬！有100萬現金！自置物業跌咗咁多我應否現時換大啲？target 想換樓價800以內嘅樓！當時我8成上會！仲有370萬度按揭未供完！如果按市價賣出！只可以拎返約50萬。

謝謝老師回覆

由於你是樓換樓，未來就算住宅類價格升跌，其實對你影響不算好大，因為有一間物業去平衡價格變化。而你真正要考慮重心，是你長線能否「供得起」。以及物業能夠應付將來10-20年的需要，唔好因為見樓價跌，就諗住換大啲。因為每個人資金有限，你用了置業(換樓)的話，就等同放棄投資增值機會。

當然有人會認為，買樓都係投資增值。但你要留意，我自己預期未來香港物業走向，會跟過去數十年不同。預期唔會大跌，但都唔會大升，主要係平穏增長，唔會再好似以往咁長升長有。另外，最好係你換樓同時，仲可以保留一定資金係手，去到應急和投資，就算是理想。

如果換樓，可以睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。另外，你再要審視其升值潛力，未來地區上、交通上、生活等等的配套發展，才考慮買入會較好。