【兒童健康】台灣組合S.H.E成員Selina（任家萱）同圈外男友「小徐」的兒子「小腰果」剛出生時一度肺積水，需要住保溫箱外，還要插喉等等。有關新生兒肺積水問題，兒科專科 – 陳欣永醫生有以下分享。
Q1：為什麼新生兒會有肺水問題？
陳欣永醫生表示，BB係未出世嘅時候係媽媽肚裏面時是有很多羊水保護住佢，無須靠肺部去呼吸，養份由媽媽臍帶輸送給BB。但在出世後，就靠BB自己去呼吸，視乎BB肺部是否能獨立地呼吸；但有些BB初出世時，因佢未適應，肺部成熟程度未夠；所以正常地BB出世後一哭，肺部會張開，會慢慢吸收到胎水，呼吸變得暢順。
肺部成熟度不夠
但有啲BB會因為一些原因令肺部成熟度不夠，所以在肺泡裏的表面張力力量也不夠時，令到佢呼吸、喊的時候也張不開肺泡，令吸收胎水得較慢，形成俗稱的「肺積水」，令BB出世後有氣喘、氣促情況發生。陳欣永醫生表示，嚴重的話，我哋可能需要比氧氣BB、甚至需要檢查BB的血液含氧量，用上呼吸機去幫助唞氣。
Q2：肺積水成因是什麼？
成因例如：未夠37週的早產BB因肺部不夠成熟，容易有肺積水或氣促喘氣的情況發生；另外，陳欣永醫生表示，剖腹產BB因為沒有經過正常的產道擠壓，相對上胎水得會較慢，所以剖腹產BB會比經產道擠壓出生的BB，較容易出現肺積水的情況。而男仔BB或體重較重的BB，因體重較重也較先容易出現肺積水的情況。
Q：初生兒肺積水常見嗎？
早產BB(特別是週數較小的) 有大約超過10%嘅BB會容易出現氣喘、氣促及肺積水的情況。而足月的BB有大約4-5%有機會會有這些情況出現。BB並不會飲了兩啖胎水引致肺積水，而是視乎胎水吸收速度快不快。如果吸收得較慢，加上若肺部較不成熟，會導致氣喘氣促情況。
如果BB有喘氣 會先照肺片
陳欣永醫生表示，大部分情況都是先觀察，第一都要排除BB有冇一啲炎症感染嘅因素。因為氣喘氣促，都會擔心BB會唔會有一些感染情況發生。一般來說，如果BB有喘氣，會先照肺片，去睇睇及排除有沒有肺炎的症狀出現。如果嚴重，可能要驗血，睇下個炎症指數高唔高。
通常8小時內會慢慢復原
如果排除了並非肺炎嘅情況，就唔需要特別打抗生素，只需密切監測在溫箱保暖。通常8小時內，就會慢慢復原，抖氣會慢下來，不會氣喘氣促，不需使用氧氣，情況自然改善得到。
Q：打催生針有機會影響新生兒嗎？
以Seline為例，BB已經38周了，當初檢查BB時已經重3000克，頭圍也超過一周，而且選擇順產，打催生針有機會影響新生兒嗎？陳欣永醫生表示，催生針同肺積水就冇特別關係，由其選擇順產的話，經過正常產道已經相對於其他(例如:剖腹產BB) 已較好 。而BB重量三千克亦都唔算太過份重磅。所以不幸他有肺積水情況但若自然地很快復原，就不需要做任何治療也可以。
Q：高齡產婦會導致初生兒肺積水問題？
陳欣永醫生表示，肺積水和高齡產婦、生活習慣及飲食習慣完全無關。
Q：BB有過肺積水，會唔會影響日後肺功能？
肺積水情況並不會影響BB肺部功能，因為肺部每日都會成熟成長中，肺氣泡都會每日生長，所以不會因為試過有肺積水，日後容易引起肺部的疾病。
Q：可預先檢查腹中胎兒有沒有肺積水或肺部情況？
在媽咪嘅肚裏面不會預先睇到BB有冇機會有肺積水的情況，照超聲波可以睇到個肺部的影，但就不會睇得到BB有冇肺積水，因為BB已經有啲胎水圍住BB內。肺積水要看BB出世後，有沒有氣喘氣促嘅情況就知道BB有冇呢方面的問題。
Q：準媽媽有什麼需要注意？
而有什麼需要注意，其實都沒什麼特別方法可以做。不過自然分娩即係順產係會減少肺積水嘅情況出現。如果媽咪真係想避免呢一方面嘅問題，當然不希望BB早產，所以避免有早產情況出現，同時間自然分娩會比剖腹產相對優勝一啲。
