【理財個案】37歲單身讀者月入42K，有100萬配金鬆動可用，想搬出試自己住，朋友力勸買層細單位自住，但覺得反正不婚不生育，係咪唔使辛苦供樓，租樓算？
理財個案｜37歲單身月入42K有100萬
你好啊，最近有個煩惱，希望你可以俾少少建議我。手頭上有100萬現金鬆動可用，單身，不婚不生育，想搬出黎試下自己住。不過朋友極力勸我買樓，話100萬夠買層細樓我一個人。我睇過如果買D 細單位，我果區最平400萬，實用280呎左右，樓齡就38年月供16K。
不婚不生育 買樓還是租樓
我而家37歲，收入平均每月42K左右, 7除8扣都夠供既, 工作就可以穩定，但幾年後有機會要轉工，人工會少1萬。不過我覺得反正都係單身，係咪唔好咁辛苦，租樓住算呢？
我一定點樣都係搬返而家住緊果區，選擇就較少，好難諗。定係我照買樓， 租俾人先？唔好用咗啲資金？
理財個案｜龔成老師分析︰買樓自住要滿足兩個條件
買樓自住，最重要是滿足兩個條件：「供得起」+「物業滿足未來10-20年的住屋需求」。每個人都有自住的需要，長遠都有置業的需要。以你的收入，加上你人生規劃，的確可以考慮買入一個單位自住。
現時樓價有所調整
現時香港處於加息周期，利息的成本比之前高，租樓住，可能較爲划算。不過，如果你長遠打算獨立的話，現時樓價有所調整，不失為一個買入的時機，只要係滿足到我開頭講個2點就得。
用呎價＋預期租金回報率比較
其次，當考慮買入物業的時候，最重要都是睇該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。
有質素單位有平穏升值能力
另外，你再要審視其升值潛力，未來地區上、交通上、生活等等的配套發展，才去下一個結論，咁會較好。至於30/40年樓齡的物業，如果本身係有質素（如位置、附近發展、配套等），而又保養得好，都依然有平穏升值能力。如果係大型藍籌屋苑，升值能力就會更佳。
樓齡高或要面對潛在維修成本
但當佢樓齡再高，就有機會面對潛在維修成本，而且做按揭都會較難(變相你想換樓，會較難找到新買家)。這時候，物業價值就有機會出現倒退，你要留意。
投資物業收租 最高按揭成數不能高於5成
至於物業先放租，在香港現時法例下，是不能以高成數按揭進行的。如果要投資物業收租，最高的按揭成數不能高於5成，高於5成者，只能自住。
更多股票投資入門及理財個案內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
