理財個案｜讀者月入3萬有24萬股票全部跌！擔心應否再投資港股｜龔成教室

【理財個案】讀者月入3萬，持有24萬股票全部跌，感覺好心酸！擔心香港經濟現如一潭死水，投資戶口內仲有5萬現金，應否繼續投資港股？

理財個案｜讀者來信：月入3萬有24萬股票全部跌

龔成先生，你好，我之前請教過你意見兩次。今次係有少少懷疑所以又想請教下你。 我內心真係好想好想靠自己能力有自己一間屋。我不斷儲蓄，進修，盡我所能去實現呢個夢想。但係我最近打開投資app，我都覺得好心酸，買既每隻股票都跌緊。

已參考你意見買股票 都係跌 

我有參考你意見去買股票，但都係跌。我係咪將數字放得太重，冇留意價值？定係我放太多錢投資所以肉赤？其實香港現家經濟好似一潭死水咁，我係咪唔應該再買港股？好多時出街都唔覺有好多人出黎消費，市面好靜。龔成先生，請問我應該要點做先冇咁擔心？麻煩晒。

收入＋資產

• 月薪：3萬
• 後備現金：10萬蚊
• 投資戶口：24萬蚊股票＋5萬現金

每月月供股票情況：

現持股票：

以下係我買入嘅股票，其股數及平均買入價：

理財個案｜龔成老師分析︰全球的經濟偏弱

明白你想要有自己物業的渴望，這正正都係好多香港人的渴望。不過，在渴望的同時都要保持理性，同時要調整自己的心態，因爲投資是一個理性的行動。企業的價值要配合大環境先可以反映，過往幾年因爲疫情，戰爭，加息等不利因素，全球的經濟都偏弱。

股票自然會調整 長線價值自然會回升

你手持的股票自然會調整，但你持有的都是優質的股票，當大環境好轉的時候，長線價值自然會回升。雖然中國開放市場，疫情漸漸過去，但要經濟復蘇，仍然需要時間。所以，就算手持優質的股票，仍然需要投資者的耐性。

投資的錢應該是閒錢

投資的錢應該是閒錢，雖然你渴望透過投資增值獲得購買物業的資金，但在投資的時候，仍然要做到各方面的平衡。所有的投資都存在風險，所以，你投資的資金應該是你能夠接受到的虧損範圍。如果買入後，寢食難安就要考慮調整比例。

30歲財富仍然有增長力

你現時30歲，財富仍然有增長力，應以「平穏增長股」 + 「潛力股」作組合去建立增值的平台。你投資的都是優質的股票，買入價錢合理，恆指佔的比例較大，早前解釋過今年港股受住疫情以及外圍的因素而走勢偏弱。

可考慮加入美股指數型基金

政府現時有措施鼓勵消費，經濟復蘇需要時間，你在大街上見到的情況會隨住經濟好轉有所改善，唔好因爲一些中短期的因素對投資失去信心。如果你真係擔心香港長遠的經營環境，可以考慮加入美股指數型基金，如（VOO）（QQQ)，令組合更加平衡。

投資注意：

最後，你要留意多2樣野。

1. 小米(1810.HK)自從公布造車後，整體風險度高咗，雖然潛力係依然有，但為平衡，要控制注碼。
2. 任何行業都不應佔組合3成以上，你現時有點集中科技類，長線建議加入其他行業優質股，去令組合更平衡。

更多股票投資入門及理財個案內容

• 理財方法｜40招日式慳錢法：儲3層樓首期、一年儲12萬｜8個日本慳錢達人教路
• 理財個案｜5X歲單親媽帶兩未畢業子女！想做好理財免家人負擔｜龔成教室

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。